Josefov (Prag)

Josefov (dütsch Josefstadt) isch en Stadtteil vo Prag in Tschechie, wo im 13. Jahrhundert per Chönigserlass zum jüdische Viertel vo Prag bestimmt worde isch. Mit de Verleihig vo de Bürgerrächt a d Jude im Jahr 1848 sind viili Jude vo döt wegzoge und d Gebäude sind zerfalle. Um d Wändi zum 20. Jahrhundert sind viili Gebäude neu enstande.

s Zentrum vo Josefov mit em Jüdische Rathus

s Wappe vom Stadtteil

Wappee

S Wappe vom Viertel isch en gäle Davidstern uf rotem Grund. Hüt repräsentiert d Flagge s Prager Judetum.

Geschicht

Zwüsche em 13. Jahrhundert und 1850 häts Viertel Judenstadt, Židovské Město pražské kaisse. Di jüdische Bewohner sind zum Wohne i dem abgrenzte Stadtteil zwunge worde. 1850 isch s Viertel in Josefstadt umbenannt worde.

Bevölkerig

1991 händ im Ortsteil 2354 Iwohner gläbt. Im Jahr 2001 isch Josefov us 66 Hüser bestande, wo nur no 1997 Mänsche din gläbt händ.

Bevölkerigsentwicklig vo Josefov

Jahr	1869	1880	1890	1900	1910	1921	1930	1950	1961	1970	1980	1991	2001	2011	2013
Iwohner	10 296	10 668	11 535	9 047	3 376	4 070	3 497	3 077	3 679	3 168	2 769	2 354	1 997	1 508	1 387

Verkehr

Wichtigi Strasse vom Stadtteil sind d Pariser Strass (urspr. Niklasstrass), Breiti Gass (urspr. Josefstädtergass), Maiselgass (Maiselova ul.), Karpfegass (Kaprova ul.).

d Zeremoniehalle näbed de Klause-Synagoge

Sehenswürdigkeite

• s Jüdische Museum (Židovské muzeum)
• de Alti Jüdisch Friidhof (Starý židovský hřbitov)
• di Jüdischi Zeremoniehalle (Obřadní síň)

d Altneu-Synagoge di Höchi Synagoge s Jüdische Rathus d Pinkas-Synagoge d Klausen-Synagoge

d Maisel-Synagoge di Spanisch Synagoge s Geburtshuus vom Franz Kafka s Kunstgwärbmuseum

Litratur

• Ctibor Rybár: Das Jüdische Prag. Glossen zur Geschichte und Kultur, TV Spektrum/Akropolis Verlag, Prag 1991

Weblink

 Commons: Josefov – Sammlig vo Multimediadateie

• Jüdischs Museum in Prag (Židovské muzeum v Praze)
• Informatione vo de örtliche Jüdische Gmeind

50.08920214.418422