Olfacto

L'olfacto (que se pronuncia /olˈfato/; d'o latín olfactus) ye o sentiu encargau de detectar y procesar as olors. Ye un sentiu quimico, en que actúan como estimulants as particlas aromaticas u odoriferas que salen d'os cuerpos volatils. As substancias odorants son compuestos quimicos volatils transportaus por l'aire.

O sistema olfactivo humán: 1: Bulbo olfactivo 2: Celulas mitrals 3: Ueso 4: Epitelio nasal 5: Glomerulos 6: Celulas receptoras olfactivas.

O sentiu de l'olfacto chuga un papel muit important en a percepción d'o sabor. Asinas, cuan os alimentos son mosegaus y paladeyaus liberan substancias volatils que capta o sistema olfactivo y ninvía sinyals ta o cerebro. Iste las interpreta conchuntament con os sinyals gustativos ta percibir-ne asinas o gusto.

Malautías olfactivas

• Anosmia: disminución u perduga de l'olfacto.
• Hiperosmia: augmento anormal d'a sensibilidat olfactiva

Se veiga tamién

• Sistema sensorial.
• Sistema olfactivo.

Referencias

• Datos: Q1541064
• Multimedia: Smell / Q1541064