Normandi

Normandi pe Normandia (Nouormandie e normaneg, Normandie e galleg ha Normandy e saozneg) zo unan eus ar broioù kozh a zo aet da ober Bro-C'hall, war-bouez an inizi Aldernez, Gwernenez, Jerzenez, Sark hag a zo perc’hennet gant kurunenn Breizh-Veur, hep bezañ un darn eus ar Rouantelezh-Unanet, dre ma'z eo rouaned Breizh-Veur ha Norzhiwerzhon duged Normandi ivez.

Menez Mikael ar Mor, Normandi.

Ur pennad Normandi (rannvro) zo ivez.

Dizalc'h eo bet e-pad meur a gantved, a-raok kouezhañ etre krabanoù Bro-C'hall. Etre 1956 ha 2015 e oa rannet etre div rannvro velestradurel, Normandi-Izel ha Normandi-Uhel. E 2016 eo bet anvet kentañ prezidant rannvro Normandi unvanet, Hervé Morin.

Kartenn Normandi

Banniel

Orin an anv

Normandi a zeu eus al latin Normandia , savet diwar ar ger Northmen, paotred an Norzh.

E brezhoneg e veze graet Ormandi eus ar vro-mañ ivez.

Istor

Gwelit ar pennad Istor Normandi.
Pennadoù da welout ivez : Duged Normandi, Gwilherm an Alouber. Eil Brezel Bed : Oberiadenn Overlord.

Yezh

Normaneg a vez lavaret eus yezh Normandi.

Kêrioù pennañ

• Rouen (410 000 annezad)
• An Havr-Nevez (250 000 annezad)
• Caen (200 000 annezad)
• Cherbourg (90 000 annezad)
• Évreux (51 200 annezad)
• Dieppe (35 700 annezad)
• Sant-Heler (29 400 annezad), e Jerzenez
• Alençon (28 900 annezad)

Boued Normandi

Boued mod Normandi zo diazezet war pevar produi : an avaloù, al laezh, ar c'hig hag ar boued-mor. Gounezet vez avaloù evit ober chistr ha Calvados hag a zo implijet er gegin ivez. Produiñ a reer ivez formajoù, ha kregin evel istr, meskl ha kregin Sant-Jakez.

Dave ha notennoù

Sellit ouzh ar ger Normandi er
wikeriadur, ar geriadur frank.