Atanas D. Atanasov

Atanas Danĉev ATANASOV (pseŭdonimo: Ada; naskiĝis la 12-an de februaro 1892 en Sofio; mortis en 1981) estis bulgara esperantisto, privata oficisto, antaŭe gimnazia instruisto de literaturo kaj prezidanto de la Akademio de Esperanto.

Atanas D. Atanasov
Persona informo
Naskiĝo	14-an de februaro 1892 (1892-02-14) en Sofio,  Princlando Bulgario
Morto	23-an de marto 1981 (1981-03-23) (89-jaraĝa) en Sofio,  Popola Respubliko Bulgario
Lingvoj	Esperanto • bulgara
Ŝtataneco	Bulgario
Okupo
Okupo	esperantisto ekonomikisto

Esperanta agado

En 1910 li fondis kaj prezidis studentan Esperanto-grupon ĉe la Sofia Universitato. En 1911 li estis sekretario de Bulgara Esperantista Ligo BEL, de 1920 ĝis 1926 vicprezidanto de Bulgara Esperanto-Asocio (BEA) kaj redaktanto de ĝia periodaĵo "Bulgara Esperantisto". Li estis prezidanto de BEA de 1927 ĝis 1928.

Verkoj

Atanasov verkis lernolibrojn, el kiuj unu aperis en 7 eldonoj kaj 36 000 ekzempleroj. Lia Bulgara-Esperanta vortaro kun 30 510 kapvortoj aperis en 1961 en Sofio ĉe la Ŝtata Eldonejo “Nauka i Izkustvo” (630, [2] p. 21x15 cm). Li faris Bulgaran tradukon de « Premières leçons » por blinduloj de Théophile Cart.

Li estis ĉefkunlaboranto de la Enciklopedio de Esperanto.

De li aperis la traduko La Familio Gerak de Elin Pelin. Lingvaj studoj troviĝas en La Lingva Esenco de Esperanto (1983).

• Rememoroj de Esperantisto, 1925.
• Kurso de Esperanto por Bulgaroj. Eld. la aŭtoro, Sofio, 1940(?)

	„ Ŝajne tre bona lernolibro, konsistanta el 25 lecionoj kaj vortlistoj kun EsperantaBulgara vortareto. La fakto, ke ĝi nun aperas en oka (kaj plibonigita) eldono —ĝis 40,000 ekz.— montras, ke ĝi respondas al sentata bezono. La aŭtoro estas pioniro de nia movado, fame konata (interalie) pro sia belega Rememoroj de Esperantisto. ” — La Brita Esperantisto - Numero 418, Februaro (1940)

Nekrologo

Mallonga nekrologo aperis en Internacia Ĵurnalisto, aprilo 1981. En ĝi estas menciita kiel mortodato la 23-a de marto 1981.

Bildaro

• 
  Ĉu estas Ebla kaj Necesa Internacia Helplingvo, 1928

Eksteraj ligiloj

• Atanas D. Atanasov en Enciklopedio de Esperanto
• Verkoj de kaj pri Atanas D. Atanasov en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine