Fritz von Weizsäcker
Fritz Eckhart Freiherr von WEIZSÄCKER [fric fon vajceker] (naskiĝis la 20-an de julio 1960 en Essen, mortis la 19-an de novembro 2019 en Berlino[1]) estis germana medicinisto. Liaj fakaj esplorfokusoj estis pri interna medicino kaj gastroenterologio.[2] En siaj publikigoj li dediĉis sin ofte al la traktado de hepatitoj B kaj C. Inter 2005 ĝismorte li deĵoris ĉefkuraciste por la sekcio Interna medicino 1 ĉe la privata Kastelparkkliniko berlina.
| Fritz von Weizsäcker | |
|---|---|
| Persona informo | |
| Naskiĝo | 20-an de julio 1960 en Essen |
| Morto | 19-an de novembro 2019 (59-jaraĝa) en Schlosspark-Klinik, Berlino |
| Mortokialo | Pikvundo 
|
| Lingvoj | germana |
| Ŝtataneco | Germanio
|
| Alma mater | Bonna universitato - medicino Weizmann-a Scienca Instituto Universitato de Hajdelbergo Mayo Clinic (en) 
|
| Familio | |
| Patro | Richard von Weizsäcker
|
| Patrino | Marianne von Weizsäcker
|
| Frat(in)oj | Beatrice von Weizsäcker, Andreas von Weizsäcker kaj Robert K. von Weizsäcker
|
| Okupo | |
| Okupo | internisto
|
Vivo
redaktiFamilio kaj trejniĝo
redaktiFritz von Weizsäcker originas el la palatinata-virtemberga familio Weizsäcker. Li estis la plej juna el kvar infanoj de la posta prezidanto de Germanio Richard von Weizsäcker. Li estis la frato de Robert K., Andreas kaj Beatrice von Weizsäcker.
Fritz von Weizsäcker pasigis la junulajn jarojn en Ingelheim am Rhein kaj Bonn, kie li per la abitura ekzameno finis la lernejon. Inter 1979 kaj 1987 li studis homan medicinon ĉe la universitatoj de Bonno kaj Hajdelbergo. En 1983 li partoprenis someran akademion ĉe la Weizmann-instituto pri sciencoj en Reĥovot (Israelo). Praktikadjaro en Usono venigis lin en la jaro 1987 al Rochester (Minesoto), Houston (Teksaso) kaj Boston. Inter 1983 kaj 1986 li ĉeestis programon de la Eŭropa molekularbiologia laborejo en Heidelberg. En 1987 li doktoriĝis en Heidelberg. Habilitiĝo pri interna medicino sukcesis en 1997 en Freiburg. En 1998 li iĝis fakkuracisto pri interna medicino kaj gastroenterologio.
Li estis kunedzina kaj havis tri infanojn.[3]
Labora kariero
redaktiInter 1987 kaj 1990 Weizsäcker estis helpkuracisto en la universitata kliniko de Freiburg im Breisgau. Poste li troviĝis en diversaj lokoj en Usono antaŭ fariĝi asistanta kuracisto ĉe la universitata malsanulejo en Zuriko. Inter 1994 kaj 1998 li deĵoris asistantkuraciste ĉe la Medicina universitatkliniko de Freiburg kaj poste li estis samloke ĝis 2003 ĉefkuracisto klinika, poste ĝis 2005 gvidanta supera kuracisto kaj vicdirektoro kuracista. En 2003 li iĝis orda profesoro pri interna medicino ĉe la Universitato de Freiburg.
Ekde julio 2005 li estis ĉefkuracisto de la sekcio pri internaj malsanoj en la Schlosspark-kliniko berlina.
Morto
redaktiVespere la 19an de novembro 2019 Fritz von Weizsäcker, fininte la paroladon publikan, estis mortigita en la Schlosspark-kliniko fare de aŭskultinto per tranĉilo.[4] Hazarde kaj private ĉeestinta policisto, kiu venis por helpi, estis grave vundita tiuokaze.[5]
Membrecoj kaj honoroj
redaktiFritz von Weizsäcker estis estrarano de Gesellschaft für Gastroenterologie und Hepatologie in Berlin und Brandenburg e.V., de la societo Gesundheitsstadt Berlin e.V.kaj de Victor von Weizsäcker Gesellschaft. En 2008 li faritis honore doktoro ĉe la ŝtata universitato de Voroneĵ. Ekde 2009 li estis ano de la liberala partio Freie Demokratische Partei.
Verkoj
redakti- F. E. v. Weizsäcker, Michael Roggendorf (eld.): Models of viral hepatitis, serio Monographs in virology, Volume 25. Karger, Basel 2005, ISBN 3-8055-7809-1.
- F. v. Weizsäcker, Wolf-Bernhard Offensperger: Molecular diagnosis and gene therapy, okaze de Falk Symposiums 88, 1995, Freiburg 1996, ISBN 3-929713-34-9
Krome li publikigis multajn fakajn eseojn.[6]
Referencoj
redakti- ↑ Anonco ĉe tagesspiegel.de
- ↑ Kürschners Deutscher Gelehrtenkalender, 2009, Band IV, p. 4526
- ↑ Zum Tod von Fritz von Weizsäcker: „Er gab alles für seine Patienten“, gazetartikolo de B.Z., 19.11.2019
- ↑ Mann ersticht Fritz von Weizsäcker in Berliner Privatklinik
- ↑ Pri la verŝajna mortigmotivo de la freneza atencinto, ĉe tagesspiegel.de, 20.11.2019
- ↑ Listo de artikoloj enfakgazetaj, ĝis 2008) Arkivigite je 2016-01-21 per la retarkivo Wayback Machine (PDF)
Literaturo
redakti- Martin Wein: Die Weizsäckers – Geschichte einer deutschen Familie. Deutsche Verlags-Anstalt, Stuttgart 1988, ISBN 3-421-06389-3.
- Kürschners Deutscher Gelehrtenkalender, 2009, Band IV, p. 4526, ISBN 978-3598236297.
Eksteraj ligiloj
redakti- Informoj pri Fritz von Weizsäcker en katalogo de la Germana Nacia Biblioteko (germane)
- Biografio sur la paĝoj Kastelparkkliniko Arkivigite je 2019-12-02 per la retarkivo Wayback Machine