Maria Caniglia

Maria Caniglia (Napoli,1905eko maitzaren 5a-Erroma, 1979ko apirilaren 16a) 1930-50 aldiko italiar soprano dramatiko garrantzitsuenetarikoa izan zen.

Maria Caniglia
Irudi gehiago
Bizitza
Jaiotza	Napoli, 1905eko maiatzaren 5a
Herrialdea	Italiako Erresuma  (1905eko maiatzaren 5a -  1946ko ekainaren 18a) Italia  (1946ko ekainaren 18a -  1979ko apirilaren 16a)
Heriotza	Erroma, 1979ko apirilaren 16a (73 urte)
Hezkuntza
Hizkuntzak	italiera
Jarduerak
Jarduerak	opera abeslaria
Genero artistikoa	opera
Ahots mota	sopranoa
Musika instrumentua	ahotsa

Biografia

Baliabide garrantzitsuak eta izaera sendoa zituen sopranoa, Claudia Muzioren ondorengoa izan zen eta Renata Tebaldi eta Maria Callasen aurretikoa.

Opera veristekin eta Giuseppe Verdiren operekin lotua, Agustino Rocherekin ikasi zuen (bere lankide Ebe Stignani mezzoaren maisuarekin) eta Richard Straussen Elektran egin zuen debuta 1930ean Turingo Regio Antzokian.

Milango La Scalan 1937an egin zuen debuta eta sarri abestu zuen Un ballo in maschera, La forza del destino, Aida, Andrea Chénier, Tosca, Adriana Lecouvreur, Mefistofele, Werther, Simon Boccanegra, La Wally, Il Trovatore, besteak beste. 1951n Milango antzokia utzi eta Erromako Operako Prima donna absolutu bihurtu zen.

New Yorkeko Metropolitan Operan egin zuen debuta, Desdemona paperean, Otellon, 1938an. Honez gain, Aida, Tosca, Simon Boccanegra eta Falstaff ere abestu zituen.

Londresko Covent Gardenen, Parisen, Bartzelonako Lizeoan, Rio de Janeiron eta Buenos Airesko Colon Antzokian abestu zuen 1937, 1946, 1947 eta 1956an, Aida, Lucrezia, Tosca, Abigaille (Nabucco), Norma, Manon Lescaut, Adriana Lecouvreur eta Leonora (II Trovatore) eskaini zituen.

Bere garaiko zuzendari eta abeslari handiekin lan egin zuen, eta Beniamino Gigli tenorrarekin eta Tullio Serafin zuzendariarekin izan zuen harremana gogoratzen da, zeinekin, besteak beste, Verdiren Requiem-aren bertsio ezagun bat grabatu zuen.

1939an Pino Donati konpositorearekin ezkondu zen (1907-1975). 1957an erretiratu zen.

Erreferentziak

• The last Prima Donnas, Lanfranco Rasponi, 1982.
• Colón Antzokiko Ahotsak 1908-1982, E.VFerroa
• Caniglia, Maria' in Rosenthal, H. and Warrack, J., 1979, The Concise Oxford Dictionary of Opera, 2nd Edition, Oxford University Press.
• D. Hamilton, The Metropolitan Opera Encyclopedia: A Complete Guide to the World of Opera (Simon and Schuster, New York 1987).

Erreferentziazko diskografia

• Giordano: Andrea Chénier / De Fabritiis, Gigli, 1941
• Puccini: La Fanciulla Del West / de Fabriitis
• Puccini Tosca / De Fabritiis, Gigli, 1938
• Verdi: Aida / Serafin, 1946
• Verdi: La Forza Del Destino / Marinuzzi, 1941
• Verdi: Requiem / Serafin, Pintza, Gigli eta Stignani. 1939
• Verdi: Un Ballo In Maschera / Serafin, Gigli, 1943

Kanpo estekak

• Biografia italieraz
• Bio ingelesez
• Maria Caniglia Ahots Lehiaketa
• Biografia ingelesez
• Maria Caniglia - Ebben? La Wallyko Ne andrò lontana

• Datuak: Q290269
• Multimedia: Maria Caniglia / Q290269