Johann Christian Bach

Para outras páxinas con títulos homónimos véxase: Bach (homónimos).

Johann Christian Bach, nado en Leipzig o 5 de setembro de 1735 e finado en Londres o 1 de xaneiro de 1782, foi un compositor de música clásica, fillo de Johann Sebastian Bach. Pasou parte da súa vida en Londres, onde o coñecían como John Bach.

Johann Christian Bach

Biografía
Nacemento	5 de setembro de 1735 Leipzig, Alemaña
Morte	1 de xaneiro de 1782 (46 anos) Londres, Reino Unido
Lugar de sepultura	St Pancras Old Church, Camden (en)
Educación	Thomasschule zu Leipzig (pt)
Actividade
Lugar de traballo	Milán
Ocupación	compositor, pianista, arranxador musical
Período de actividade	1760 -
Xénero artístico	Ópera e sinfonía
Profesores	Johann Sebastian Bach, Carl Philipp Emanuel Bach e Giovanni Battista Martini
Alumnos	Wolfgang Amadeus Mozart e Wilhelm Friedrich Ernst Bach (pt)
Instrumento	Órgano
Obra
Obras destacables (1775) Lucio Sila (en)
Familia
Familia	Familia Bach
Cónxuxe	Cecília Grassi (1777–)
Pais	Johann Sebastian Bach   e Anna Magdalena Bach
Irmáns	Maria Sophia Bach Johanna Carolina Bach Regina Susanna Bach Christiana Dorothea Bach Christiana Benedicta Louisa Regina Johanna Bach Elisabeth Juliana Friderica Bach Wilhelm Friedemann Bach Johann Gottfried Bernhard Bach Johann Christoph Friedrich Bach Gottfried Heinrich Bach Carl Philipp Emanuel Bach Johann Christoph Bach Léopold Augustus Bach Christiana Sophia Enrietta Bach Johann August Abraham Bach Ernestus Andreas Bach Christian Gottlieb Bach Catharina Dorothea Bach
Descrito pola fonte	Nordisk familjebok Dicionario Enciclopédico Brockhaus e Efron Grande Enciclopedia Soviética (1926—1947)

Traxectoria

Johann Christian Bach era fillo de Johann Sebastian Bach e Anna Magdalena Bach. Cando naceu seu pai tiña xa 50 anos e foi el quen lle deu as primeiras nocións musicais, continuando como o seu profesor ata a súa morte, cando Johann Christian tiña 15 anos. Marchou logo a Berlín, á casa do seu medio irmán Carl Philipp Emanuel Bach. Bach estableceuse en Italia en 1756, estudou con Giovanni Battista Martini, en Boloña, e foi organista na catedral de Milán desde 1760. Desa época data a súa conversión do luteranismo ao catolicismo e as súas primeiras óperas serias. En 1762, Bach mudouse a Londres, foi o profesor de música da raíña Sofía Carlota, de orixe alemá. A estrea de tres óperas no King's Theatre, entre elas Orione o 19 de febreiro de 1763, estabeleceu a súa reputación en Inglaterra. En Londres coñeceu a Carl Friedrich Abel e no período 1764-1765 interpretaron xuntos nos coñecidos como concertos Abel-Bach nos que se por vez primeira se tocaron moitas obras de Joseph Hayden en Inglaterra.

Unha das súas obras culminantes é a ópera Temistocles, unha ampla revisión do libreto de Metastasio, que se estreou o 5 de novembro de 1772 en Mannheim. Pero a finais desa década, a súa música perdeu popularidade e as dificultades económicas fixeron que se establecera nun arrabalde de Londres.

Estilo e obra

Páxina do manuscrito do Salve regina de Bach

Johann Christian compuxo nun estilo galante, coa súa énfase na melodía e no acompañamento, incorporando frases musicais equilibradas, cun vocabulario harmónico reducido; nunha liña oposta ás intricadas liñas da música barroca. O seu estilo influenciou fortemente ao Mozart máis novo Bach é autor de 13 óperas, case 50 sinfonías, 15 sinfonías concertantes, e arredor de 30 concertos.

Véxase tamén

Ligazóns externas

• J C Bach (classic.net)
• J C Bach (classicalarchives.com)
• J C Bach (pianosociety.com)
• "Gainsborough and Musia" por Brian Robins
• Sonatas para piano Op. 17, 1–6 no YouTube
• Cuarteto in B-flat major no YouTube
• Flute sonatas, W. B 10–15, edición de 1780 (Da Sibley Music Library Digital Scores Collection)