Supernova

Kanggo seri novèl kanthi jeneng kang padha, pirsani Supernova (novèl).

Supernova ya iku jeblugan saka siji lintang ing galaksi kang mancaraké ènèrgi kang gedhé banget. Prastawa supernova iki nengeri akiré riwayat siji lintang. Lintang kang ngalami supernova bakal katon sumunar banget lan malah sumunaré bisa nganti ping atusan yuta cahya lintang mau saudurngé.

Supernova 1987A kang dumadi ing Mega Magellan Gedhé. Tetenger panah ing pérangan tengen nedahaké lintang sadurungé njeblug

Ènèrgi kang dipancaraké déning supernova gedhé banget. Malah pancaran ènèrgi kang dipancaraké nalika supernova dumadi sajeroning sapérangan detik waé bisa madhani pancaran ènèrgi siji lintang sajeroning kurun wektu yutanan nganti miliaran taun. Pancaran ènèrgi supernova bisa diétung dhedhasar sipat-sipat pancaran radhiasiné.

Supernova biyasa dumadi amarga entèké umur siji lintang. Nalika bahan-bahan nuklir ing inti lintang wis entèk, ora bakal bisa dumadi réaksi fusi nuklir kang wujud panyokong urip siji lintang. Lan yèn wis ora bisa fusi nuklir iki ora bisa dilakoni, mula lintang bakal mati lan nglakoni supernova.