Paul Sylbert
Paul Sylbert (* 16. April 1928 in Brooklyn, New York City, USA; † 19. November 2016 in Jenkintown, Pennsylvania[1]) weer en US-amerikaanschen Artdirector un Szenenbillner.
Leven un Wark
ännernPaul Sylbert is de Tweeschen to Richard Sylbert, de sülvst ok as Szenenbillner arbeiten deit. Na sien Besöök an de Tyler School of Art vun de Temple University, hett he 1951 sien Loopbahn as Artdirector un Szenenbillner anfungen mit den Feernsehfilm Premiere. BIt in Johr 2008 hett he an de Produkschoon vun ruchweg föfftig Filmen mitarbeit. Ünnerbroken weer sien Arbeit, as he wiel den Koreakrieg sien Militärdeenst bi de US Army afleisten müss.
1964 hett he ok as Speelbaas arbeit un weer verantwoortlich för eenige Episoden vun verschedene Feernsehregen as The Defenders, The Nurses oder The Broadway. As Dreihbookschriever weer he verantwoortlich för de Böker to The Steagle (1971), bi den he ok sülvst Speelbaas weer, un Nighthawks (1981).
Filmografie as Szenenbillner (Utwahl)
ännern| Johr | Titel |
|---|---|
| 1951 | Premiere |
| 1967 | The tiger Makes Out dt.: Der Tiger schlägt zurück |
| 1969 | Riot dt.: Ausbruch der Verdammten |
| 1975 | One Flew Over the Cuckoo’s Nest dt.: Einer flog über das Kuckucksnest |
| 1978 | Heaven Can Wait dt.: Der Himmel kann warten |
| 1979 | Kramer vs. Kramer dt.: Kramer gegen Kramer |
| 1981 | Wolfen |
| 1983 | Gorky Park |
| 1987 | Nadine dt.: Nadine – Eine kugelsichere Liebe |
| 1987 | The Pick-up Artist dt.: Jack der Aufreisser |
| 1988 | Fresh Horses dt.: Zärtliche Liebe |
| 1991 | Career Opportunities dt.: Kevins Cousin allein im Supermarkt |
| 1991 | The Prince of Tides dt.: Der Herr der Gezeiten |
| 1993 | Sliver dt.: Sliver – Gier der Augen |
| 1995 | Free Willy 2: The Adventure Home dt.: Free Willy 2 – Freiheit in Gefahr |
| 1995 | The Grass Harp dt.: Die Grasharfe |
| 1997 | Conspiracy Theory dt.: Fletchers Visionen |
| 2001 | To End All Wars dt.: Gefangen in der Hölle |
| 2008 | A Trip to Swadades |
Utteken
ännernSylbert weer tweemol för den Oscar in de Kategorie Best Szenenbild nomineert: 1992 för den Film The Prince of Tides un 1979 för den Film Heaven Can Wait, för den he ok wohrhaftig uttekent worrn is. Butendem weer Sylbert 2009 mit den Lifetime Achievement Award vun de Art Directors Guild ehrt.
Weblenken
ännern- Paul Sylbert in de Internet Movie Database (engelsch)