Hedy Lamarr
I Hedy Lamarr (míbait a Hedwig Eva Maria Kiesler; 9 ya ing Noviembre 1914 - 19 ya ing Enero 2000) métung yang Americanang artista ampóng inventor a míbait king Austria. Kaybat ning ságuling carera karéng pelicula king Czechoslovakia, nung nú ya línagé king controversial a peliculang Ecstasy (1933), likuán né ing múmúná nang asáwa, i Friedrich Mandl, at pasalikut yang minális king Paris. Tínaglus ya king London, nung nú né ákilála i Louis B. Mayer, a minaluk kayang contratang pelicula king Hollywood. Línagé ya i Lamarr king métung a romantic drama, ing Algiers (1938).[1] Lakwas yang migtagumpé king Western a Boom Town (1940) ampó king dramang White Cargo (1942). Ing Samson and Delilah (1949) ing matagumpé nang díling peliculang Lamarr.[2] Línagé ya múrin king television báyú ya línual ing tawlí nang pelicula anyang 1958. Mírínan dangálan a mika batwin king Hollywood Walk of Fame anyang 1960.
- ↑ "Hedy Lamarr, Sultry Star Who Reigned in Hollywood of 30s and 40s, Dies at 86", The New York Times (January 20, 2000).
- ↑ Haskell, Molly (December 10, 2010). "European Exotic", The New York Times.
| Hedy Lamarr | |
 Lamarr, c. 1944 | |
| Mibait | 9 ya ing Noviembre 1914 Vienna, Austria-Hungría (Austria-Hungary) |
|---|---|
| Mete | 19 ya ing Enero 2000 (edad 85) Casselberry, Florida, Estados Unidos |
| Asawa | Friedrich Mandl (m. 1933; div. 1937); Gene Markey (m. 1939; div. 1941); John Loder
(m. 1943; div. 1947); Teddy Stauffer (m. 1951; div. 1952); W. Howard Lee (m. 1953; div. 1960); Lewis J. Boies (m. 1963; div. 1965) |
| Ának | 3 |