Aleksander K. Glazoenof

Aleksander K. Glazoenof
	Aleksander K. Glazoenof in 1887
Agtergrondinligting
Geboortenaam	Aleksander Konstantinowitsj Glazoenof
Gebore	10 Augustus 1865; Sint Petersburg, Russiese Keiserryk
Sterf	21 Maart 1936 (op 70); Neuilly-sur-Seine, Parys
Genres	Simfonie
Beroep(e)	Komponis, musiekpedagoog, dirigent, pianis
Assosiasies	Nikolai Rimski-Korsakof

Aleksander Konstantinowitsj Glazoenof (Russies: Алекса́ндр Константи́нович Глазуно́в; 10 Augustus 1865 – 21 Maart 1936) was 'n Russiese komponis wat in Sint Petersburg gebore is. Hy was die belangrikste Russiese komponis van die geslag ná Tsjaikofski. Hy het musiekonderrig by Rimski-Korsakof ontvang, en in 1882 is sy Eerste Simfonie deur Balakiref uitgevoer.

Na enkele minder belangrike werke het Glazoenof in 1886 sy Tweede Simfonie voltooi. Sy latere musiek toon die invloed van Liszt, Wagner en Tsjaikofski. Onder sy beste werk tel sy Vierde, Vyfde en Sesde simfonieë, sy ballette Raymonda, Die seisoene, en die Vioolconcerto in A-mineur.

Glazoenof het na 1906 min werk van besondere belang gekomponeer, maar die 2 klavierconcertos 2-strykkwartette en die Konsert vir saksofoon, fluit en strykinstrumente verdien aandag. Na die revolusie van 1917 het hy tot in 1928 in Sint Petersburg vertoef, waarna hy Rusland verlaat het. Hy is in 1936 in Parys oorlede.

Bronnelys

Wêreldspektrum, 1982, ISBN 0-908409-65-6, volume 24, bl. 170

Eksterne skakels

Wikimedia Commons het meer media in die kategorie Aleksander K. Glazoenof.
(en) Aleksander K. Glazoenof in die Internet-rolprentdatabasis
(en) "Aleksandr Glazunov". Encyclopædia Britannica. Besoek op 3 September 2019.