Haas Schoeman

Haas Schoeman
Volle naam	Johan Schoeman
Bynaam	Haas
Geboortedatum	15 Maart 1940
Geboorteplek	Prins Albert, Suid-Afrika
Sterftedatum	1 Januarie 2006 (op 65)
Sterfteplek	Table View, Suid-Afrika
Lengte	1,83 m
Massa	88,5 kg
Skool	Hoër Jongenskool Paarl
Universiteit	Universiteit van Stellenbosch
Rugbyloopbaan
Loopbaan as speler
Posisie(s)	Flank
Springbokno.	391
Amateurspanne
Professionele / senior klubs
Provinsiale- / Staatspanne
Nasionale span(ne)

Johan Schoeman, beter bekend as Haas Schoeman, was 'n flank van die Westelike Provinsie wat sewe toetse vir die Springbokke gespeel het.

Biografiese agtergrond

Haas Schoeman is op 15 Maart 1940 op Prins Albert gebore.

Na hy sy skoolopleiding voltooi het by die Hoër Jongenskool Paarl, spandeer hy twee jaar by die Grootfontein landboukollege buite Middelburg in die Karoo.

Vanaf 1959 tot 1964 studeer hy regte aan die Universiteit van Stellenbosch waar hy 'n LLB-graad verwerf. (Hy het ook later 'n MBA verwerf).

Nadat hy aanvanklik in en uit die eerstespan van die universiteitsklub was (hy moes meeding met losvoorspelers soos Butch Lochner, Dawie Ackermann, James Starke and Ronnie Melck), word hy later 'n gereelde lid van die eerstespan en speel ook vanaf 1962 tot 1965 vir die Westelike Provinsie. Hy het 'n Springbok geword in 1963 toe hy vir die derde toets teen die Wallabies gekies is. In 1965 was hy 'n lid van die Springbokspan onder kapteinskap van Avril Malan wat deur Ierland en Skotland getoer het en daarna 'n lid van die Springboktoerspan na Australië en Nieu-Seeland onder kapteinskap van Dawie de Villiers.

Na sy internasionale loopbaan het hy steeds klubrugby gespeel vir Bellville rugbyklub, asook later vir Wanderers en Diggers in Johannesburg.