Nicolaas Copernicus
Nicolaas Copernicus (Duits: Nikolaus Kopernikus, Pools: Mikołaj Kopernik; * 19 Februarie 1473, † 24 Mei 1543) was die eerste sterrekundige wat 'n omvattende heliosentriese kosmologie (in teenstelling met 'n geosentriese kosmologie) bewoord het, waarvolgens die son, en nie die aarde nie, die middelpunt van die sonnestelsel is.[3]
| Nicolaas Copernicus | |
| |
| Geboortenaam | Niklas Koppernigk (de) |
|---|---|
| Gebore | 19 Februarie 1473 Thorn, Koninklike Pruise |
| Oorlede | 24 Mei 1543 (op 70) Frauenburg, Prins-bisdom Ermland, Koninklike Pruise |
| Nasionaliteit |  Koninklike Pruise[1][2]
|
| Vakgebied | Sterrekunde, kanonieke wetgewing, Ekonomie, Wiskunde, medisyne, politiek |
| Alma mater | Universiteit van Krakow Universiteit van Bologna Universiteit van Padua Universiteit van Ferrara |
| Bekend vir | Heliosentrisme Copernicus se wet Koperniese beginsel |
| Handtekening | 
|
Vroeë jare
wysigReeds op jeugdige ouderdom het hy albei sy ouers verloor en het sy oom, 'n Katolieke priester, die jong Nicolaas aangeneem. Sy oom het hom na die Universiteit van Krakof in Pole gestuur, waar hy die teologie, wiskunde en sterrekunde bestudeer het. Later is hy na Italië, waar hy in Bologna in die regte en in Padua in die geneeskunde gestudeer het. Na tien jaar het sy oom, wat intussen 'n biskop geword het, Nikolaas na Pole laat terugkom om sy sekretaris te word.[4]
Heliosentriese model
wysigSy boek, De revolutionibus orbium coelestium ("Oor die omwentelings van die hemelliggame"), is in 1543, kort voor sy dood, gepubliseer en word dikwels beskou as die beginpunt van moderne sterrekunde en die bepalende openbaring wat die Wetenskaplike Revolusie teweeggebring het. Sy heliosentriese model, waarin die Son in die middel van die heelal is, het getoon dat die beweging van hemelliggame verklaar kon word sonder dat die Aarde in die middel van die heelal hoef stil te staan. Sy werk het verdere wetenskaplike ondersoek aangespoor en 'n mylpaal in die geskiedenis van moderne wetenskap geword, waarna vandag dikwels verwys word as die Koperniese Revolusie.
Kopernikus tel onder die grootse veelweters van die Renaissance en was 'n wiskundige, sterrekundige, geneesheer, geleerde van die klassieke, vertaler, kunstenaar, Roomse geestelike, regsgeleerde, goewerneur, militêre leier, diplomaat en ekonoom. Tussen al sy verantwoordelikhede was sterrekunde nie veel meer as 'n stokperdjie nie, alhoewel dit juis in dié vakgebied was wat hy sy stempel op die wêreld afgedruk het.
Kyk ook
wysigVerwysings
wysig- ↑ Davies, Norman (2005). God's playground. A History of Poland in Two Volumes. Vol. II. Oxford University Press. p. 20. ISBN 978-0-19-925340-1.
- ↑ Teresa Borawska. "Royal Prussia: the homeland of Nicolaus Copernicus" (in Engels). Nicolaus Copernicus University. Geargiveer vanaf die oorspronklike op 18 November 2019. Besoek op 6 Desember 2019.
- ↑ Hierdie het die basis geword van die Koperniese beginsel of die beginsel van middelmatigheid.
- ↑ Kennis, vol 7, 1980, bl. 1289, ISBN 0 7981 0829 0
Eksterne skakels
wysig
Wikimedia Commons het meer media in die kategorie Nicolaas Copernicus.
