Orrin Hatch
Orrin Grant Hatch (gebore op 22 Maart 1934, sterf 23 April 2022) was 'n Amerikaanse prokureur, afgetrede politikus en komponis wat vir twee-en-veertig jaar as 'n senator van Utah in die Amerikaanse Senaat gedien het.[1][2] Hy was die eerste maal verkies tydens die 1976 Senaatsverkiesing van die Verenigde State, en was die langsdienende senator van die Republikeinse Party in die geskiedenis van die Verenigde State van Amerika.
| Orrin Hatch | |
 | |
Persoonlike besonderhede
| |
|---|---|
| Gebore | 22 Maart 1934 |
| Sterf | 23 April 2022 |
Tot sy aftrede in 2019 was hy saam met Patrick Leahy van Vermont, slegs een van twee sittende VSA senators om te gedien het tydens die presidentskap van Gerald Ford; hy was ook een van die twee oorblywende Republikeinse senators, saam met Chuck Grassley van Iowa, om te gedien het gedurende die presidentskap van Jimmy Carter. Hatch het gedien as óf Voorsitter óf as die Hoof minderheidslid van die Verenigde State Komitee op die Regbank vanaf 1993 tot 2005.
Hy was voorheen voorsitter van die Verenigde State Komitee vir Gesondheid, Opvoeding, Arbeid en Pensioene vanaf 1981 tot 1987. Hatch het ook gedien as voorsitter van die Verenigde State Komitee van Finansies.
Op 3 Januarie 2015, nadat die 114de Kongres van die Verenigde State van Amerika ingehuldig is, het Hatch die Pro tempore President van die Senaat van die Verenigde State van Amerika geword.[3]
Op 2 Januarie 2018 het Hatch aangekondig dat hy sal uittree uit die Senaat en dat hy nie vir herverkiesing sal staan tydens die 2018 Senaatsverkiesing van die Verenigde State in November nie.[4]
Hatch het klavier, viool en orrel gespeel. Aangevuur deur sy belangstelling in poësie, het Hatch baie liedjies geskryf. Hy was mede-outeur van "Everything And More", gesing deur Billy Gilman. Benewens sy werk as 'n Amerikaanse senator, het Hatch meer as VSA$10 000 verdien as 'n Mormoonse-musiekopnamekunstenaar.[5] Hy het die lirieke gemaak vir en deelgeneem aan die opname van "Eight Days of Hanukkah" in 2009. Die liedjie se musiek is deur Madeline Stone gekomponeer.[6]
Verwysings
wysig- ↑ https://www.thecut.com/2018/01/6-of-orrin-hatchs-ultimate-party-songs.html
- ↑ Mayshark, Jesse Fox (16 Julie 2006). "Orrin Hatch, Lyricist" (in Engels). Geargiveer vanaf die oorspronklike op 5 Februarie 2020. Besoek op 11 Januarie 2019 – via NYTimes.com.
- ↑ Burr, Thomas (5 November 2014). "Utah's Sen. Orrin Hatch to be 3rd in line for the presidency". The Salt Lake Tribune (in Engels). Geargiveer vanaf die oorspronklike op 19 Mei 2017.
- ↑ Seitz-Wald, Alex (2 Januarie 2018). "Sen. Orrin Hatch to retire, opening door for Romney". NBCNews.com (in Engels). Geargiveer vanaf die oorspronklike op 16 Junie 2019.
- ↑ "Brown earned $700,000 for book". boston.com. The Boston Globe. 16 Junie 2011. Geargiveer vanaf die oorspronklike op 4 Januarie 2012. Besoek op 28 Julie 2011.
- ↑ "Eight Days of Hanukkah". 3 Desember 2009. Geargiveer vanaf die oorspronklike op 13 Junie 2020. Besoek op 18 Februarie 2020.