Elizabeth C. Steijnmedalje

Op 14 Junie 1996 skenk mej. Elizabeth C. Steijn aan die Suid-Afrikaanse Akademie vir Wetenskap en Kuns 'n bedrag van R20 000 vir die stigting van die Elizabeth C. Steijn-trustfonds. Die doel van die fonds is die bekroning van 'n onderwyser of onderwyseres vir praktiese onderwys en opvoeding deur medium van Afrikaans binne, sowel as buite die klaskamer. Die nege karaat goue medalje dra die beeltenis van die skenker en word die Elizabeth C. Steijnmedalje genoem.

Lys van wenners

• 1999 – me. H.H. van Schalkwyk (Afrikaans Hoër Meisieskool, Pretoria)
• 2002 – me. J. Fouché (Hoërskool Waterkloof, Pretoria)
• 2005 – me. L. Scheffer (Hoër Tegniese Skool Daniel Pienaar, Uitenhage)
• 2008 – dr. M.L.A. le Cordeur (Streeksbestuurder van die Wes-Kaapse Onderwysdepartement)
• 2011 – mev. A. Venter (Springs Boys' High School)