Lewe van Adam en Eva
Die Lewe van Adam en Eva, ook bekend as die Openbaring van Moses (Grieks: Ἀποκάλυψις Μωϋσέως, Apokalypsis Mōuseōs; Hebreeus: ספר אדם וחוה) is 'n Joodse apokriewe boek. Dit vertel van die lewe van Adam en Eva van ná hulle uitdrywing uit die tuin van Eden tot met hulle dood. Dit verskaf meer besonderhede oor die Sondeval, insluitende Eva se weergawe van die storie. Satan verduidelik hy het gerebelleer nadat God hom opdrag gegee het om voor Adam neer te buig. Nadat Adam gesterf het, word aan hom en al sy nakomelinge opstanding belowe.
Die antieke weergawes van die werk is: die Openbaring van Moses, die Latynse Lewe van Adam en Eva, die Slawiese Lewe van Adam en Eva, die Armeense Boetvaardigheid van Adam, die Georgiese Boek van Adam,[1] en een of twee Koptiese weergawes in fragmente. Dié geskrifte word gewoonlik Primêre Adamgeskrifte genoem om hulle te onderskei van daaropvolgende verwante geskrifte, soos die Grot van Skatte, die Testament van Adam en die Openbaring van Adam.[2]
Die geskrifte wissel baie wat lengte en bewoording betref, maar lyk of hulle van 'n enkele bron afgelei is wat nie bewaar gebly het nie.[3]:251[4] Elke weergawe bevat unieke materiaal, sowel as variasies en weglatings.
Hoewel die tekste wat bewaar gebly het, van die 3de tot die 5de eeu saamgestel is,[3]:252 word die letterkundige eenhede in die werk as ouer en hoofsaaklik van Joodse oorsprong beskou.[4] Geleerdes stem oor die algemeen saam dat die oorspronklike werk in die 1ste eeu in 'n Semitiese taal[3]:251 geskryf is.[3]:252
Verwysings
[wysig | wysig bron]- ↑ Franse vertaling: J.P. Mahé Le Livre d'Adam géorgienne de la Vita Adae in Studies in Gnosticism and Hellenistic Religions, reds. R. van den Broek en M.J. Vermaseren. Leiden 1981
- ↑ James H. Charlesworth (1985), The Old Testament Pseudoepigrapha, Garden City, NY: Doubleday & Company Inc., Volume 2, ISBN 0-385-09630-5 (Vol. 1), ISBN 0-385-18813-7 (Vol. 2), pp. 250
- ↑ 3,0 3,1 3,2 3,3 Johnson, M.D. (1985). "Life of Adam and Eve, a new translation and introduction". In Charlesworth, J.H. (red.). the Old Testament Pseudepigrapha. Vol. 2. ISBN 0-385-18813-7.
- ↑ 4,0 4,1 Sparks, H.F.D. (1984). The Apocryphal Old Testament. p. 143. ISBN 0-19-826177-2.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
