Courlivon
Courlivon isch es Dorf un e ehemalegi politeschi Gmeind ir Gmeind Murte u ghört zum Seebezirk (franzöösisch District du Lac) vom Kanton Friburg i der Schwiiz.
| Courlivon | |
|---|---|
 | |
| Basisdatä | |
| Staat: | Schwiiz |
| Kanton: | Friburg (FR) |
| Bezirk: | See/Lac |
| Gmeind | Murte |
| PLZ | 1795 |
| Koordinate: | 575103 / 193385 |
| Höchi: | 556 m ü. M. |
| Flächi: | 3,27 km² |
| Iiwohner: | 293 (2015)[1] |
| Website | www.courlevon.ch |
| Charte | |
 | |
Name
Dr offiziell Name vo Courlivon isch "Courlevon" wüu dr Ort urschprünglech mau ganz französischschprachig isch gsii o we d Bevöukerig hüt zum gröschte Teil Friburger- oder Bärndütsch red.
Geografi
Courlivon isch uf ere Höchi 556 m u 4 km südlech vom Bezirkshouptort Murte. Das Buredorf ligt uf emene Hochplateau südlech vom Murtesee, weschtlech vo der Waudhöchi Oberhouz, im nördleche Friburger Mittuland.
Zu Courlivon gört o der Wyler Couschibärli, wo früecher e säubschtändigi Gmeind isch gsi, u o no es paar Einzuhöf. D Nachbargmeinde vo Courlivon si gsii: Cressech, Walleried, Villarepos u Courwouf im Kanton Friburg u Mönchewiler, en Exklave vom Kanton Bärn.
Gschicht
Uf de 1. Jänner 2016 hed Courlivon zäme mit Jeuss, Lurtige u Salvenach mit de Gmeind Murte fusioniert. Sit Herbscht 2016 gits im Dorf Courlivon, wo nie are Isebahnlinie agschlosse isch gsii, i der aute Chäserei äs Isebahn- u Sammler-Museum.
Schprache
Vo de Bewoner rede 92,7 % Friburger- oder Bärndütsch, 4,6 % Französisch u 1,2 % rede Portugisisch (Stand 2000). Courlivon isch fasch usschliesslech germanophon. I däre urschprünglech französischschprachige Gmeind het sech ds Verhäutnis zwüsche Französisch u Dütsch im Louf vom 19. Jahrhundert umgkehrt. Wi das aber so im Schprachgränzgebiet üeblich isch, si vili doch biläng oder chöi sech zmingscht ir andere Schprach verschtändige wes druf abchunt.
Weblink
Commons: Courlevon – Sammlig vo Multimediadateie- Informatione vo der Gemeind Courlivon
- {{{Autor}}}: Courlivon. In: Historisches Lexikon vo dr Schwiiz.
