Küssnacht SZ
Chüsnacht am Rigi (offizielle Name siit Aafang 2004: Küssnacht (SZ)) isch e Gmeind wie au en Bezirk im Kanton Schwyz i de Innerschwiiz und liid am Nordufer vom Vierwaldschtättersee und am Südufer vom Zugersee. Di richtig Uusschpraach isch Chüsnacht, im Gägesatz zum zürcherische Küsnacht. Wie Einsidle und Gersau bilded hie di politischi Gmeind und de Bezirk en Einheit.
| Wappe | |
|---|---|
 | |
| Basisdate | |
| Kanton: | Schwyz |
| Bezirk: | Küssnacht |
| BFS-Nr.: | 1331 |
| PLZ: | 6403 |
| Koordinate: | 47° 4' n. Br. 8° 26' ö. L. |
| Höchi: | 457 m ü. M. |
| Flächi: | 36.20 km² |
| Iwohner: | 11'675 31. Dezember 2006 |
| Websyte: | www.kuessnacht.ch |
| Charte | |
 | |
Zur politische Gmeind Chüsnacht ghöred di drü Ortschafte Chüsnacht (8592 Iiwohner), Immisee (1968 Iiwohner) und Merlischache (1079 Iiwohner), wo je eigedi Chilegmeinde bilded und en eigedi Poschd hend, und no de Wiiler Haltike, wo zu Chüsnacht zellt.
D'Nachbargmeinde sind Uedligeswil, Adligeswil, Megge, Greppe, Arth, Meierschappele, Risch und änet em See Walchwil.
Wie de Gmeindsname seid, liid de Uusflugsbärg Rigi uf Gmeindsgebiet; syn Gipfel, de Kulm, bilded mit 1797 m ü. M. au de höchschti Punkt vo de Gmeind. De tüüfschti Punkt isch de Zugersee mit 413 m ü. M.
Lueg au: Chlausjage
Literatur
- Quellen zur Geschichte der Landschaft Küssnacht am Rigi. Hrsg. vom Historischen Verein Küssnacht, 1984ff
- Kurt Annen u.a.: „Me isch halt nid so heikel gsy“. Küssnachter Geschichte(n) 1848 bis 1998. Offizielle Jubiläumsschrift zum 150-Jahre-Jubiläum des Bezirks Küssnacht, Bezirksverwaltung Küssnacht am Rigi, 1998
- Markus Bamert u.a.: Gesslerburg und Hohle Gasse mit Tellskapelle (Schweizerische Kunstführer, Band 790), 2006, ISBN 978-3-85782-790-7
- Klausjagen, St. Nikolausgesellschaft, Küssnacht am Rigi 1988
Netzgleicher (Weblinks)
