Valsavarenche
| Valsavarenche | ||
|---|---|---|
|
| |
 | ||
 Lag vu dr Gmai Valsavarenche in Valle d'Aosta | ||
| Staat: | Italie | |
| Region: | Aostatal | |
| Koordinate: | 45° 36′ N, 7° 12′ O | |
| Hechi: | 1.541 m s.l.m. | |
| Yywohner: | 166 (31. Dez. 2022)[1] | |
| ISTAT-Nummer: | 007070 | |
Valsavarenche (frankoprov. Ouhaentse) isch e Gmai in dr autonome Provinz Augschtdal z Italie.
Valsavarenche ghert zue dr Gmainschaft Unité de communes Grand-Paradis.
Geografi
Valsavarenche lyt im Valsavarenche, eme Sytedal vum Augschtdal.
Zue dr Gmai ghere d Wyyler Bois-de-Clin, Le loup, Terre, Créton, Dégioz (capoluogo, talvolta ortografato Déjoz), Eaux-rousses, Fénille, Bien, Breuil, Maisonnasse, Pessey, Pont, Rovenaud, Tignet. Nochbergmaine sin Aymavilles, Ceresole Reale (TO), Cogne, Introd, Noasca (TO), Rhêmes-Notre-Dame, Rhêmes-Saint-Georges un Villeneuve
Gschicht
Dr Grinder vum Huus Savoyen, dr Humbert I mit dr wysse Händ, het anne 1025 s Augschtdal as Leeche griegt. Mid Uusnahme vun e baar Johr (1691, 1704–1706, 1798–1814 zue Frankrych) het s Augschtdal derno zem Huus Savoyen gheert bis anne 1946, d. h. bis dr letscht italienisch Chenig abdankt ghaa het. Wu s italienisch Chenigrych anne 1861 grindet woren isch, isch s Augschtdal zue dr Provinz Turin chuu. Anne 1927 isch s derno ne aigestädnigi Provinz wore. Im Faschismus isch di franzesisch Sproch verbote wore un s het e starki Italienisierigsbolitik gee. Vu 1939 bis 1945 het Valsavarenche dr italienisiert Name Valsavara drait. Noch em Zweede Wältchrieg het s Augschtdal anne 1948 e autonome Sonderstatus griegt.
Bevelkerig
| Johr | 1861 | 1871 | 1881 | 1901 | 1911 | 1921 | 1931 |
| Yywohner | 639 | 658 | 676 | 580 | 549 | 439 | 328 |
| Johr | 1936 | 1951 | 1961 | 1971 | 1981 | 1991 | 2001 |
| Yywohner | 380 | 309 | 295 | 256 | 204 | 198 | 180 |
Politik
Dr Burgermaischter vu Valsavarenche isch dr Giuseppe Dupont.
Sproch und Dialäkt
Dr frankoprovenzalisch Dialäkt vu Valsavarenche ghert zum Valdostanisch (Valdôtèn).
Anne 2001 het d Fondation Émile Chanoux in Zämmenarbet mit em Centre d'Études Linguistiques pour l'Europe un dr Università degli Studi di Trento di soziolinguistisch Situation vu allne Gmaine im Augschtdal untersuecht. Doderzue isch im Septämber un Oktober 2002 e Froogebooge verschickt woore. Vu Valsavarenche sin 49 Froogebeege wider retuurchuu[2].
| Froog 0301: Was isch Ihri Muetersprooch? | ||||||
| Italienisch | Patois | Italienisch un Patois | Franzeesisch | anderi | kai Andwoord | Total |
| 20 (40,8 %) | 18 (36,7 %) | 3 (6,1 %) | 3 (6,1 %) | 2 (4,1 %) | 3 (6,1 %) | 49 |
| Froog 1403a: Wie guet verstehn si Frankoprovenzalisch (Patois)? | |||||
| guet | mittelguet | e weng | gar nit | kai Andwoord | Total |
| 37 (75,5 %) | 5 (10,2 %) | 2 (4,1 %) | 4 (8,2 %) | 1 (2 %) | 49 |
| Froog 1403b: Wie guet chenne si Frankoprovenzalisch (Patois) schwätze? | |||||
| guet | mittelguet | e weng | gar nit | kai Andwoord | Total |
| 33 (67,4 %) | 6 (12,2 %) | 2 (4,1 %) | 7 (14,3 %) | 1 (2 %) | 49 |
Weblink
Commons: Valsavarenche – Sammlig vo MultimediadateieFueßnote
- ↑ Demographic Balance and resident population by sex on 31st december 2022. Italian National Institute of Statistics, abgruefen am 14. Mai 2023.
- ↑ Fondation Émile Chanoux: ‘‘Sondage linguistique’’. Archiviert vom Original am 5. Juli 2017; abgruefen am 15. November 2012.
