Bezirk Lienz
| Lag | |
|---|---|
 | |
| Basisdate | |
| Bundesland | Tirol |
| NUTS-III-Region | AT-333 |
| Verwaltigssitz | Lienz |
| Fläche | 2.019,87 km² |
| Iiwohner | 48.854 (1. Jänner 2023) |
| Bevölkerigsdichti | 24 Einw./km² |
| Kfz-Kennzeiche | LZ |
| Website | www.tirol.gv.at/bh-lienz |
De Bezirk Lienz [ˈli:ɛnt͜s] isch en Verwaltigsbezirk vom öschtrychische Bundesland Tirol. Er isch deckigsglych mit Osttirol.
Geografii
[ändere | Quälltäxt bearbeite]De Bezirk Lienz isch de gröschti Bezirk vo Tirol und de viertgröschti vo ganz Öschtrych. Er isch dur en öpe 9,5 km lange Streife vo Südtiroler (Ahrntal) und Salzburger Gebiet vo Nordtirol trännt und bildet e Exklave vom Bundesland Tirol. Osttirol gränzt a d Bundesländer Salzburg im Norde und Kärnte im Oste, im Weste und Süde sinds di italienische Regione Trentino-Südtirol und Venezie.
Täler und Flüss
[ändere | Quälltäxt bearbeite]D Hopttäler vom Bezirk Lienz sind s Pustertal, s Iseltal, s Defereggental, s Virgental, s Kalser Tal und de Tiroler Tail vom Gailtal. D Hoptflüss vom Osttirol sind d Drau, en 749 km lange Näbedfluss vo de Donau, und di 57 km lang Isel, wo z Lienz i d Drau mündet.
Gebirge
[ändere | Quälltäxt bearbeite]Grossi Flächene im Norde vom Bezirk Lienz ligged im Gebirge vo de Höche Tauere, wo bis zum högschte Bärg vo Öschtrych, em Großglockner uf 3.798 m ü. A. ufe goht. De südlich Tail vom Bezirk ghört zum Gebiet vo de Karnische Alpe.
Gmainde
[ändere | Quälltäxt bearbeite]De Bezirk Lienz hät 33 Gmainde, under anderem d Stadt Lienz und d Marktgmainde Matrei in Osttirol, Nußdorf-Debant und Sillian. Di gröschte Gmainde vo Osttirol, gmässe a de Iiwohnerzahl, isch d Bezirkshoptstadt Lienz mit aktuell 11.990 Iiwohner, di chlinnscht Gmaind vom Land isch Untertilliach mit 211 Iiwohner. Flächemässig di gröschti Gmaind isch Matrei in Osttirol mit emene Gmaindsgebiet vo 277,75 Quadratkilometer, si isch au di zwaitgröschti Gmaind vom Bundesland Tirol. Di flächemässig chlinscht Gmaind isch Gaimberg mit ere Flächi vo nu 7,28 Quadratkilometer.
Litratur
[ändere | Quälltäxt bearbeite]- Johann Holzner / Sandra Unterweger (Hrsg.): Schattenkämpfe. Literatur in Osttirol. Innsbruck 2006, ISBN 3-7065-4199-8.
- Uwe Ladstädter (Hrsg.): Brachland. Eine Osttirol-Anthologie. Innsbruck 2000, ISBN 3-7066-2215-7.
- Katholischer Lehrerverband: Bezirkskunde Osttirol. Innsbruck 2001, ISBN 3-7066-2267-X.
Weblink
[ändere | Quälltäxt bearbeite]- Bezirk Lienz
- Webcams und Livecams Bezirk Lienz
- Aktuelli Nochrichte us Osttirol und em Bezirk Lienz
- Offizielli Webseite vom Tourismusverband Osttirol
Koordinate: 46° 50′ N, 12° 46′ O