Caccia ai violenti
Caccia ai violenti (títol orichinal en italiano, en aragonés Caza a los violentos, enguerada en Aragón con o títol en castellano de El rey de África, en aragonés O rei d'Africa) ye una cinta de l'anyo 1968 de cine d'acción y aventuras coproducida por o cine italiano, lo cine espanyoly lo cine estausunidense, dirichida por Nino Scolaro seguntes un guión adaptau por Jack DeWitt, Sandy Howard, Mario Siciliano y Eduardo Manzanos Brochero (basau en una historia de Eduardo Manzanos Brochero), con una banda sonora orichinal de Gianni Marchetti, una dirección de fotografía de Julio Ortas y Sven Persson, una producción cinematografica de Sandy Howard y Mario Siciliano ta las productoras Metheus Film, Copercines, Cooperativa Cinematográfica, Harris Associates y National Telefilm Associates, y con un elenco d'actors d'o cual en fan parte, entre d'atros, Ty Hardin, Pier Angeli, Rossano Brazzi, George Sanders, Helga Liné, Dale Cummings, Jorge Rigaud, Aldo Bufi Landi, Pamela Tudor, Charles Fawcett, Mario Donatone, Julio Peña, Miguel del Castillo y Antonio Mayans.
En bel puesto d'a chungla africana, un grupo de presos marcha enta la garchola conduciu por una escolta, pero atacan a la escolta y la matan, liberando a los presos. Lo tenient Rey decide perseguir-los, trobando-se con muitismos problemas en o suyo camín: a mesma chungla tropical, animals salvaches, los indichenas, y los mesmos bandius que persigue. Os bandius marchan con a muller d'un propietario d'una mina, a la cual han enganyau fendo-le creyer que son amigos d'o suyo mariu, y Rey los contina perseguindo, encara que una muller que li ha subministrau informacions ye asasinada.
A cinta s'ambienta en os anyos 1900 en Africa, y las suyas escenas se filmoron en Almería en Andalucía (Espanya) y en Sudafrica.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q65122573