Fogache de 1495
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O fogache de 1495 ye un fogache que acomandó o rei d'Aragón Ferrando II o Catolico ta cullir o impuesto d'as sisas.[1] Debant d'o periglo d'una agresión de Carlos VIII de Francia a o reino, y ante o problema d'a peste negra que afectaba a las chuderías d'o reino,[2] Ferrando II convocó Corz d'Aragón ta fer que aprebasen a formación d'un exercito de 4.000 hombres,[3] y l'aduya economica necesaria. As Corz alcordoron aportar pa ista fin a cullita d'o impuesto d'as sisas, que yera un impuesto sobre articlos de primer necesidat.
Pa ista fin se trestalló Aragón en 12 sobrecullidas[1] (divisions fiscals administradas por un sobrecullidor), y s'ordenó una investigación d'a población aragonesa recontando os fuegos d'o reino. Pa fer ixe recuento caleba que un comisario vesitase toz os lugars habitaus chunto con un notario que en dase fe. Tamién yeran acompanyaus d'una patrulla militar pues en bel lugar no yeran bien recibius (o recuento iba a servir ta cobrar impuestos). As sobrecullidas estioron: Zaragoza, Alcanyiz, Mont Albán, Teruel-Albarracín, Daroca, Calatayu, Tarazona, Uesca, Chaca, Aínsa, Balbastro y Ribagorza.[1]
A sisa sencilla estió de 13 sueldos por fuego ta lugars de 99 fuegos u menos, 16 sueldos por fuego ta lugars de 100 fuegos u mas, y 21 sueldos por fuego t'as ciudaz. A sisa doble estió, respectibament, de 16, 22 y 33 sueldos por fuego.
En o fogache s'endica o numero de fuegos de cada lugar, villa u vicos (en o caso d'as ciudaz). Se i cuaternan os nombres d'os representants d'o lugar que "manifestaban" os fuegos que bi heba (o vicario, o churau, l'alcait, atros testes...). Se fa tamién una relación nominal d'os fuegos, cuaternando-ie o nombre d'o cabeza de familia (encara que as viduas que son cabeza de familia amaneixen bella vegada por o suyo nombre, y atras como vidua de... u madre de...). Un fuego tamién podeba estar un monesterio, etc.
En bel caso, trobamos información adicional postposada a o nombre, como ye l'oficio (çapatero, texedor, pelayre...), o cargo que teneban (jurado, justicia, alcayde), u mesmo si yeran pobres (endicau con parolas como: pobre, muy pobre, pobre de bacín, pobre que no tiene res, pobre vergonyant, por Dios, pobre loco o miserable ...). As anotacions que se i fan son diferents seguntes as sobrecullidas. Tamién i amaneixen fuegos moriscos, que en bel lugar son mayoría. Mesmo bi heba lugars habitaus nomás que por moriscos. Cal remerar que os chodigos heban estau forachitaus d'o reino 3 anyos antes, en 1492.
O total de fuegos recontaus en o reino fue de 51.056, trestallaus en sobrecullidas como sigue:
|
Referencias
editar- ↑ 1,0 1,1 1,2 (es) Alfaro de Prado Sagrera, Antonio; González del Campo Román, Fernando: Aragón (II) - El fogaje de 1495.
- ↑ (es) Orenzanz García, Juan: El fogaje, quinientos años después.
- ↑ (es) Aurensanz Campo, Sergio: Las bodegas moriscas de Puibolea. Antecedentes históricos.
Bibliografía
editar- (es) Antonio Serrano Montalvo: La población de Aragón según el fogaje de 1495, Volumen 1. Institución Fernando el Católico.
Datos: Q13049060