Ir al contenido

Sistema d'escritura

Modificar os enlaces
De Biquipedia
La versión para imprimir ya no se admite y puede contener errores de representación. Actualiza los marcadores del navegador y utiliza en su lugar la función de impresión predeterminada del navegador.
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
Sistemas d'escritura predominants a ran estatal, con bels sistemas rechionals y minoritarios.
Alfabeto Latino Cirilico+Latino Griego Cheorchiano Armenio Logografico+Silabico Hanzi (L) Kana (2S)+Kanji(L) Hangul(Fonematico S)+bella cosa de Hanja(L)
Abchad Arabe+Latino Hebreu Abuguida N, S Indico Etiopico Thaana Silabico canadiense

Un sistema d'escritura ye un tipo de sistema simbolico emplegato ta representar elementos u declaracions expresables en o luengache por meyo d'a escritura. Os sistemas d'escritura se diferencian d'atros posibles sistemas de comunicación basatos en simbolos en que por un regular cal comprender a o menos parti d'a luenga parlata en cuestión ta poder leyer y entender o texto. Contrastan con atros posibles sistemas simbolicos como os sinyals de trafico, a pintura, os mapas y as matematicas, que no necesariament penden d'un conoiximiento previo d'una luenga parlata ta quitar-ne o significato asociato.

Toda comunidat humana tien una luenga parlata, ya sía oralment, ya sía por signos. Ye un rasgo considerato por beluns com una condición innata y definidora d'a condición humana. Manimenos, o desembolique y adopción d'os sistemas d'escritura nomás ha pasato unas pocas vegatas. Cuan ya s'han establito, os sistemas d'escritura en cheneral se modifican muito mas lentament que a propia luenga, y a sobén conservan rasgos y exprisions que ya no son corrients en a luenga parlata d'a comunidat. O gran abance conferito por os sistemas d'escritura ye a suya capacidat ta mantener un rechistro persistent d'información expresable en bella luenga, que se puet recuperar independientment de l'acte inicial de formulación.

Toz os sistemas d'escritura requieren:

  • un conchunto d'elementos base u simbolos definitos (ditos caracters u grafemas);
  • un conchunto de reglas y convencions entendito y compartito por una comunidat, que asigna arbitrariament significato, ordenación y interrelacions a os elementos base;
  • una luenga representata (por un regular una luenga parlata); a interpretación d'os elementos y reglas d'os sistema d'escritura permiten reproducir as construccions d'ista luenga;
  • bel medio fisico ta representar clarament os simbolos d'una traza permanent u semi-permanent sobre bel soporte, ta que puedan estar interpretatos (por un regular visualment, encara que tamién s'han inventato sistemas táctils).

Bibliografía

  • Daniels, Peter T., i William Bright, eds. (1996). The world's writing systems. ISBN 0-19-507-993-0.
  • DeFrancis, John (1990). The Chinese Language: Fact and Fantasy. Honolulu: University of Hawaii Press. ISBN 0824810686
  • Hannas, William, C. (1997). Asia's Orthographic Dilemma. University of Hawaii Press. ISBN 082481892X (paperback); ISBN 0824818423 (hardcover)
  • Sampson, Geoffrey (1985). Writing Systems. Stanford, California: Stanford University Press. ISBN 0-8047-1756-7 (paper), ISBN 0-8047-1254-9 (cloth).
  • Smalley, W.A. (ed.) (1964). Orthography studies: articles on new writing systems. United Bible Society, London.

Vinclos externos

Obteniu de "https://an.wikipedia.org/w/index.php?title=Sistema_d%27escritura&oldid=2177164"