Fonetica d'o catalán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A fonetica d'o catalán presenta caracters propios que individualizan bien esta luenga en relación a las vecinas. A fonetica catalana se diferencia d'a fonetica aragonesa en l'ausencia de diftongación d'as vocals curtas latinas Ŏ y Ĕ.

Fonetica vocalica

No diftongación d'as Ĕ y Ŏ curtas tonicas: bé, cent, cel, front, os. A Ŏ curta se conserva como O ubierta, manimenos a ɛ ubierta no deriva d'a Ĕ curta tonica latina.

• Casos que en deriva:
  • Debant de l: mel, fel, cel, gel, espelma.
  • Debant de u que deriva de –d, CE, CI y TI latinas: peu, deu, preu, correu, fideu.
  • Debant de rr y r seguitas de consonant no labial: ferro, terra, papaterra, cobert, obert, hivern, merda, govern, quadern, etern, infern, y formas rizotonicas de perdre, encertar, despertar, governar.
  • Debant de grupo romanico -N'R-: divendres, tendre.
  • Debant de u procedent de V latina: lleu, y formas rizotonicas de llevar.
• Casos que no en deriva y deriva de Ē larga y Ĭ corta.
  • Debant de l: pel, estrel, candela.
  • Debant de r+consonant: verd, julivert, gerra.
  • Debant de grupo románico n’r: cendra.
  • Palabras hereu, dèbil, pesta.

Reducción d'a Ĕ y Ŏ curtas tonicas debant de yod:

• LECTU > llit ("leito").
• MEDIU > meyo > mig (adchetivo "meyo").
• FOLIA > fulla ("fuella").
• HODIE > HOYE > hui, avui (adverbio temporal "huei").

Caita d'as vocals finals atonas, fueras de –A:

• FOCUM > foc ("fuego").
• FAMINE > fam ("fambre").
• SACCUM > sac ("saco").
• TEGULA > teula ("tella").
• CATHEDRA > cadira ("cadiera" u tamién "cadira" en aragonés)

Fonetica consonantica

Caita d'as consonants intervocalicas –C- debant de E y I, y -TY- debant l'accento:

• VICINUS > veí ("vecín" u "vecín" en aragonés).
• COQUINA > COCINA > cuina ("cocina").
• SATIONE > saó ("sazón").
• RATIONE > raó ("razón").
• PRETIU-M > preu ("pre").

Palatalización d'a L- inicial latina:

• LUPU > llop ("lobo" u "lupo" en aragonés).
• LUMINE > llum ("lumbre" u "luz" en aragonés).
• LACIU > llaç ("lazo" u "ligallo" en aragonés).

Asimilación d'os grupos –MB- y –ND- en –m- y –n-:

• PLUMBU > plom ("plomo").
• FUNDA > fona ("funda").
• MANDARE > manar ("mandar").

Desaparición d'a -n final romanica:

• CAMINU > camí ("camín").
• MANU > mà ("man").

Solución –u d'as consonants o grupos finals –TY-, -C debant de E y I:

• PRETIU-M > preu ("pre").
• VOCE-M > veu.
• IACE-T > jau ("chace").
• DIXI-T > diu ("dice").

Solución -u d'a consonant -D cuan queda en posición final por cayer as vocals finals, feito que tamién se troba tamién en aragonés oriental:

• HEREDE-M > hereu.
• NIDU-M > niu ("niedo").
• PEDE-M > peu.
• PRODE > prou (adverbio de cantidad común con l'aragonés).
• SEDE-M > seu.
• GRADU-M > grau.
• CREDE-T > creu ("creye", present d'indicativo d'o verbo creyer).
• VIDE-T > veu ("veye", present d'indicativo d'o verbo veyer).

Bibliografía

• (ca) Artur Quintana i Font: Els parlars del Baix Matarranya, Estudis de Llengua i Literatura Catalanes, XIV. Publicacions de l'Abadia de Montserrat, Barcelona, pp 155–187. 1987.
• (es) Germán Colón: El español y el catalán, juntos y en contraste. Editorial Ariel, 1989.
• (fr) Pierre Bec: La langue occitane. Presses universitaires de France, 1973. Colection Que sais-je?.