اسيوط

اسيوط
اسيوط
	، و
البلد	مصر
عاصمه لـ	محافظة اسيوط
التقسيم الادارى	محافظة اسيوط
المدينه التوأم	ياش
الارض و السكان
احداثيات	27°11′13″N 31°10′17″E / 27.186944444444°N 31.171388888889°E
الارتفاع عن; مستوى البحر(م)
التعداد السكانى
الحكم
التأسيس والسيادة
تاريخ التأسيس	3100 ق.م
بيانات تانيه
	تعديل مصدري - تعديل

اسيوط مدينه و مركز فى مصر

تاريخ

اتعرفت زمان باسم سيوط ، اكبر مدن الصعيد و عاصمة محافظة اسيوط. مركز تجارى ع النيل و نهاية طريق درب الاربعين اللى كان بيربطها بغرب السودان. فيها صناعات صوفيه و عاجيه. اتبنت جنبها قناطر اسيوط سنة 1902. فيها جامعة اسيوط اللى اتفتحت من سنة 1957. مسقط راس الفيلسوف افلوطين و القديس يوحنا الليكوبوليتانى و المؤرخ العلامه جلال الدين السيوطى.اسيوط كانت مركز لعبادة الالاه ويبواويت اللى كان بيترمز له بالديب.

اسيوط كانت كمان اقليم كان بيتسمى زمان السيوطيه ، و هو من اقدم الاقسام الاداريه فى الوجه القبلى فى مصر. كان بيتسمى ايام الفراعنه "يوتف خنت " و فى العصر الرومانى " ليكوبوليس " و بعد تحرير العرب لمصر " كورة أسيوط " ، و فى العصر الفاطمى اتسمى " السيوطيه " نسبه لمدينة اسيوط عاصمته ، و اتضاف ليها كور تانيه جنبه فبقى كبير و اتسمى بعد كده الاعمال السيوطيه. بعد الاحتلال العثمانى لمصر اتلغى القسم سنة 1721 و اتضافت مدنه و قراه لولاية المنفلوطيه و ولاية جرجا، و بكده بقت مدينة اسيوط تابعه لولاية جرجا. فى سنة 1826 صدر امر عالى بتحويل اسيوط لمأموريه قايمه بذاتها زى ما كانت. و فى سنة 1831 صدر امر تانى بضم مأمورية الأشمونين و مأمورية منفلوط لمأمورية اسيوط و حط التلت مأموريات فى مأموريه واحدهاسمها مأمورية اسيوط. و فى سنة 1833 اتسمت مديرية اسيوط و عاصمتها مدينة اسيوط و بعدين اتغير الاسم و بقى محافظة اسيوط.

الاسم

اسيوط
بالهيروجليفى

كلمة اسيوط اصلها مصرى قديم سياوط <Səyáwt> و هى متكونه من مقطعين سا و وات و معناها حارس الطريق او حامى حدود مصر العليا .^[1] الكمله فضلت تستعمل و بقت فى القبطى سيوط <Syowt> و فى المصرى الحديث بقت اسيوط. فى العصر اليونانى و الرومانى كان بيتقال عليها ليكوبوليس ”Λυκόπολις“ <Lykópolis> و اللى معناها مدينة الديب لانها كانت مركز عبادة الالاه الديب ويبواويت.