Xipre
La República de Chipre o Chipre (Griegu: Κύπρος, Kypros) ye una islla del mar Mediterraneu asitiada al Sur de Turquía. Ye un Estáu internacionalmente reconocíu, pero sólo controla los dos tercios del sur de la islla. El terciu norte ocupolu Turquía en 1974, instaurando la República Turca del Norte de Chipre. Esti caberu territoriu namái ta reconocíu por Turquía. La islla de Chipre ta allugada nel Mar Mediterraneu a 113 km al sur de Turquía, 120 km al oeste de Siria y 150 km al este de Grecia (isla Kastellorizo). Chipre ingresó como miembru de les Naciones Uníes el 20 de setiembre de 1960.
Hestoria
Chipre ya taba habitada nel Neolíticu. No cabero de la Edá de Bronce (1600 edC), yera un centru comercial visitáu davezu polos comerciantes de Micenes, que llevaren a la islla la cultura y el llinguax griegos. Los primeros yacimientos fenicios daten del 800 edC. Chipre foi anexionada polos romanos nel añu 58 edC. Malapenes trelce años dempués, el cristianismu abellugose na islla. Los refuxaos procedente d'Israel llevaron el xudaísmu a la islla nel sieglu I pero Adrianu prohibiolu nel añu 116 tres de sofocar una refriega. Tres la dixebra del Imperiu Romanu, Chipre tuvo baxo dominiu bizantín de mena cuasi ininterrumpío durante siete sieglos.
Los siguientes 300 años tuvo baxo mandatu compartíu de Bizanciu y los califatos árabes. Ricardu I d'Inglaterra, na so cruzada haza Tierra Santa, conquistó la islla en 1191 y cedióla a Guy de Lusignan, rei destronáu de Xerusalen. Ésti fundó una monarquía feudal que perduró durante la Edá Media. La conquista de la islla por parte de los turcos otomanos, conseñó l'entamu de una llarga dómina d'opresión, carauterizada poles continues refriegues populares.
El 12 de xunetu de 1878, Gran Bretaña asumió'l control de Chipre, tres d'algamar un alcuerdu col sultán turcu que caltenía la soberanía de la islla. Na Primera Guerra Mundial, los británicos ficiéronse dueños de la islla pa cedé-yla a Grecia en 1915 y recuperala otra vegada en 1924. La voluntá de pertenecer a Grecia canalizóse per aciu de protestes y actos terroristes. En 1959 aprobóse la formación d'un gobiernu conxuntu, y un añu dempués, Chipre convertíase en República independiente, presidía pol arzobispu Makarios; pero'l baturizu popular nun aseló. Un güelpe d'estáu organizáu pola Guardia Nacional sirvió de sida a los turcos pa invadir la islla en 1974. Cuandu se decretó l'altu el fueu, un mes dempués de la invasión, los turcos ya teníen conquistao un terciu de la islla y proclamaren l'Estáu Federal Turcu, presidíu por Rauf Denktash magar que non tovieren el vistu buenu internacional. Les negociaciones pa la rexunificación afáyense güei en día en puntu muertu dende la década de los ochenta.
Organización del Estáu
Los dos seutores que dominen el país, tienen un sistema de gobiernu propiu. Nel sur, caltiénse la vixencia formal de la Constitución de 1960 que güeyaba pola formación d'una Cámara de Representantes con 35 miembros griegos y 15 turcos. Sicasí, anguaño, la Cámara tien 56 miembros, toos ellos griegos.
En 2004 Chipre ingresó na Xunión Europea. Sicasí, l'aplicamientu del acervu comunitariu llimítase a la estaya sur de la islla, hasta que se faiga la rexunificación.
Anguaño, el Partíu Progresista de los Trabayadores de Chipre, nome del Partíu Comunista a partir de 1941 conocíu como AKEL, gobierna el parllamentu. Siguen siendo partidarios de la rexunificación y de tar n'Europa.
Xeografía
La islla pue dixebrase de norte a sur, en cuatro estayes xeográfiques desemeyaes: la rexón del monte Kyrenia, que s'estiende a lo llargo de 160 km pela costa del norte y la península de Karpas; nel suroeste de la islla írguise la cordolera montañosa de Troodos, qu'inclúi'l picu de mayor altor del país, el monte Olimpu o monte Troodos (1951 m); ente estes dos estayes estiéndese la meseta Mesaoriana, de 130 km de llargo y ente unos 25 y 50 km d'anchor, na que s'afayen les tierres más abondoses del país. Nel sureste estiéndese un altiplanu que amiya selemente a midida que s'avera a les fértiles llanaes costeres. El clima ye mediterraneu, con un promediu de lluvies 500mm añales, concentraes en gran midida nel iviernu.
El branu, en cambeu, el clima ye esco y cada añu hai seca nos ríos. La temperatura medio añal ye de 19°C. Los principales ríos ñacen nos montes de Troodos. El más llargu ye'l Pedieos, que percuerre haza l'este dica la desembocadura na baeda de Famagusta. El Karyoti flúi haza l'oeste y el Kouris haza'l sur. Al rodiu de la novena parte de la superficie ta tapecida de viesques, especialmente nos montes y la rexón de Paphos.
Población
Los chipriotes dixébrense en dos grees étniques: los griegos y los turcos. Los d'orixe griegu o grecochipriotes son descendientes del mestizax ente los habitantes aboríxenes y los inmigrantes del Peloponesu, que colonizaren la islla nel 1100 edC. A esti mestizax superpúnxose-y la postrera asimilación de desemeyaes civilizaciones qu'aportaren a la islla.
Los turcochipriotes descienden de los otomanos, que conquistaren la islla nel 1571, y de los inmigrantes d'Anatolia, llevaos ellí pol gobiernu del sultán a partir de tala conquista. En 1974, la nueva folexada de la invasión turca prevocó más xente d'orixe turcu que s'asitiaron nel norte. Darréu d'esto, 180.000 grecochipriotes tovieren que refuxase nel sur, entamando un procesu de concentración de la población.
Al rodiu del 75% falen griegu, mentantu que'l restu fala turcu. Ye avezao el conocimientu del inglés
Demografía
La migración ye un fenómenu común en Chipre, hasta l'estremu de qu'estímase que hai tantos chipriotes fuera de la islla comu dientru d'ella. Tanto la declaración d'independencia de 1960 como la invasión turca de 1974, prevocaren folexades d'inmigrantes. Too ello, xunío a fautores como les perdes durante la guerra, y l'amenorgamientu de la natalidá, prevocó un descensu de la población al rodiu del 5% ente 1974 y 1977. Dende entóncenes sigui siendo numberosa la cantidá d'habitantes que dexen la islla a la gueta de trabayu, sobro tou dica l'Oriente Prósimu.
Relixón
Predomina la mayoría griega, que prautica el cristianismu ortodoxu. En cambéu, los turcochipriotes son na so mayoría musulmanes sunís. Hai tamién minoríes maronites, armenies, católiques y anglicanes.
Enllaces esternos
Wikimedia Commons tien conteníu multimedia tocante a Chipre.- La páxina del Gobiernu de la República de Chipre(en turcu)
- Serviciu de prensa internacional de Chipre (n'inglés) y (n'alemán)
- Información económica de Chipre
- Una bibliografía sobro los xudíos de Chipre
- Cyprus Guide
Plantía:Enllaz AD Plantía:Enllaz AD
- ↑ URL de la referencia: https://thecommonwealth.org/our-member-countries/cyprus. Data de consulta: 21 ochobre 2022. Tipo de referencia: official member page.
- ↑ URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
- ↑ URL de la referencia: http://www.nuclearsuppliersgroup.org/en/participants1. Editorial: Grupu d'abastecedores nucleares. Data de consulta: 7 avientu 2017.
- ↑ URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
- ↑ URL de la referencia: https://www.iho.int/srv1/index.php?option=com_wrapper&view=wrapper&Itemid=452&lang=en. Editorial: Organización Hidrográfica Internacional. Data de consulta: 8 avientu 2017.
- ↑ URL de la referencia: http://www.unesco.org/eri/cp/ListeMS_Indicators.asp.
- ↑ URL de la referencia: http://www.upu.int/en/the-upu/member-countries.html. Data de consulta: 4 mayu 2019.
- ↑ URL de la referencia: https://www.itu.int/online/mm/scripts/gensel8. Data de consulta: 4 mayu 2019.
- ↑ URL de la referencia: https://public.wmo.int/en/members/cyprus. Data de consulta: 26 mayu 2020.
- ↑ URL de la referencia: https://www.who.int/choice/demography/by_country/en/. Data de consulta: 21 xunetu 2020.
- ↑ URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 4. Supports qualifier: data de principiu.