G20
El Grupu de los 20 (numerónimo: G-20) ye un foru de 19 países, más la Xunión Europea, onde s'axunten regularmente, dende 1999, xefes d'Estáu (o Gobiernu), gobernadores de bancos centrales y ministros de finances. Ta constituyíu por siete de los países más industrializaos —Alemaña, Canadá, Estaos Xuníos, Francia, Italia, Xapón y Reinu Xuníu— (G-7), más Rusia (G-8) y Australia, más diez países apocayá industrializaos de toles rexones del mundu, y la Xunión Europea como bloque económicu. Amás, cada añu participen como convidaos España, el país qu'ocupa la presidencia de l'ASEAN, dos países africanos (el que preside la Unión Africana y un representante de la Nueva Alianza pal Desarrollu d'África) y un país (dacuando más d'unu) convidáu pola presidencia, polo xeneral de la so propia rexón. Amás, participen 12 organizaciones internacionales socies.[1][2][3][4]
| G20 | |
|---|---|
| grupu xeopolíticu, organización internacional y organismu internacional | |
 | |
| Historia | |
| Fundación | 26 setiembre 1999 |
| Fundador |
G-7 (es)  Paul Martin (es) |
| Participación empresarial | |
| Formáu por |
Alemaña Estaos Xuníos Francia Reinu Xuníu República Popular China Brasil Italia Canadá Rusia Australia Méxicu India Corea del Sur Indonesia Turquía Arabia Saudita Sudáfrica Arxentina Xapón Xunión Europea Xunión Africana |
| Web oficial | |
 | |
Ye un foru de cooperación y consultes ente los países en temes rellacionaes col sistema financieru internacional, qu'estudia, revisa, y promueve discutinios, sobre temes rellacionaos colos países industrializaos y les economíes emerxentes, coles mires de caltener la estabilidá financiera internacional, y d'encargase de temes que tean más allá del ámbitu d'aición d'otres organizaciones de menor xerarquía. En xunto, los sos miembros representen el 85% del productu brutu global, dos tercios de la población mundial y el 75% del comerciu internacional.
Dende 2009, el G20 movió al G-8 y al G8+5 como foru de discutiniu de la economía mundial.[5]
Referencies
editar- ↑ «G20 Members». G20.orgG20.org. Consultáu'l 15 de xineru de 2014.
- ↑ «Copia archivada». Archiváu dende l'orixinal, el 11 de febreru de 2014. Consultáu'l 12 d'abril de 2014.
- ↑ «What is the G-20». G20.orgG20.org. Archiváu dende l'orixinal, el 18 de mayu de 2011. Consultáu'l 27 de xunu de 2010.
- ↑ El País. «España será invitado permanente en el G-20». www.elpais.com.
- ↑ Páxina/12 (26 de setiembre de 2009). «El país - Bienvenidos al club».
Enllaces esternos
editar
Wikimedia Commons acueye conteníu multimedia sobre G20.
