Saltar al conteníu

Aristófanes

De Wikipedia
Aristófanes
Vida
Nacimientu Atenes[1], circa 445 de edC[2]
Nacionalidá Antigua Atenes
Muerte Atenes[3], 385 de edC[4] (59/60 años)
Familia
Padre Philippus
Fíos/es Araros (es) Traducir
Estudios
Llingües falaes griegu antiguu[5]
Oficiu comediógrafu, dramaturgu, poeta
Trabayos destacaos Los acarnienses (es) Traducir
Las aves (es) Traducir
Las nubes (es) Traducir
Las asambleístas (es) Traducir
Las ranas (es) Traducir
Los caballeros (es) Traducir
Lisístrata (es) Traducir
La paz (es) Traducir
Pluto (es) Traducir
Las Tesmoforias (es) Traducir
Las avispas (es) Traducir
Influyencies Píndaro (es) Traducir, Eurípides y Sócrates
Movimientu comedia antigua (es) Traducir[6]
Xéneru artísticu comedia (es) Traducir
IMDb nm0034922
Cambiar los datos en Wikidata

Aristófanes (Ἀριστοφάνης, Atenes 450 e.C. - Atenes 385 e.C.) foi un poeta y dramaturgu griegu. Ta consideráu ún de los autores más relevantes de la comedia antigua. La so obra ta escrita dafechu n'áticu con un uso bayurosu de coloquialismos y vulgarismos, pero tamién una lírica elevada nes partes corales imitando los líricos en dóricu.

Hai autores que lu consideraron partidariu de l'aristocracia pese a nun aliniase con negún partíu nin círculu de la nobleza. En cambéu, dende la crítica marxista, vense les sos comedies como'l reflexu de conflictos y contradicciones socioeconómiques qu'Aristófanes traspasaba de la política a la situación de casa y onde-yos busca una solución.


Vida

[editar | editar la fonte]

Nació a mediaos de la década del 450-440 e.C., fíu d'ateniense. Desconozse a ciencia cierta la fecha de la so muerte y dúldase de la fiabilidá de les noticies sobre sos trés fíos. La so vida, en cualquier casu, coincide col momentu de máximu esplendor económicu, políticu y cultural d'Atenes, cola derrota d'Esparta y la implantación del réxime de los trenta tiranos amás de conocer l'espoxigue del imperialismu ateniense sol mandatu de Pericles y la implantación de la democracia radical.

Foi contemporaneu de Sócrates y Tucídides y en parte tamién de Xenofonte y Platón. Vio nacer la retórica y la sofística, la obra de Sófocles y la d'Eurípides.

Característiques de la so comedia

[editar | editar la fonte]

Ye parte de la comedia antigua. Tien diversos temes como les parodies de traxedies, temes mitolóxicos, vida cotidiana (con precedentes sicilianos) y comedies polítiques (esto ye, la vida dafecha na polis) onde reflexaba la so crítica política, social, cultural y lliteraria. Esti tema ye'l más habitual nes pieces conservaes d'Aristófanes. Dos temes usuales na so obra son el pacifismu y el tema de la muyer.

La so comedia ta enfocada al presente y a coses inmediates y aprovechaba la parrhesía pa espresase, esto ye, la máxima llibertá d'espresión por mor de la isonomía de los ciudadanos atenienses.

Na so comedia entemezse la realidá cola fantasía, los homes falen colos dioses, hai animales parlantes y personificaciones de conceptos abstractos. La traxedia tien como argumentu la lleenda heroica, mientres que la comedia inventa una historia dafechu.

Cuasi toes presenten el mesmu esquema: aniciu cola situación de necesidá que lleva a descontentu y orixina una idea salvadora, llévase a términu esta idea y depués exemplifíquense los sos efeutos en casos particulares.

El tema cómicu nun ye la esposición de la idea crítica de forma direuta, sinón tresponela a lo fantástico y lo cómico.

Estructura formal

[editar | editar la fonte]
  1. Prólogu: Escena de presentación del tema y l'héroe antes de la entrada del coru.
  2. Párodu: Entrada'l coru. El coru participa na obra y posiciónase a favor o escontra d'ún o varios actores. Suelen cantar con tetrámetros dactílicos, cuando son trocaicos con un argumentu qu'encaxa colo que defende la obra, cuando son yámbicos acaba desmintiéndose.
  3. Agón: Enfrentamientu en que se discute'l plantegamientu de la obra. Suel tener la siguiente estructura:
    1. Oda - Antoda
    2. Katakeleusmós - Antikatakeleusmós
    3. Epírrhema - Antepírrhema: empieza'l que pierde y sigue'l que ganará, el primeru en yambos y el segundu en versos anapésticos que se ven más solemnes.
    4. Pnigos - Antipnigos
    5. Sphragís: dacuando apaez como un xuiciu sobre'l debate anterior.
  4. Parábasis: Los actores abandonen la escena y el coru diríxese al públicu averándose-yos (parabainein). Consta de:
    1. Kommation: breve exhortación
    2. Parábasis propiamente dicha
    3. Makrón: pa recalcar lo espuesto na parábasis
    4. Oda - Antoda
    5. Epírrhema - Antepírrhema
  5. Escenes episódiques: suelen describir los resultaos del agón. Xeneralmente con coros intercalaos.
  6. Éxodu: coru y actores abandonen y conclúi too.

Comicidá

[editar | editar la fonte]

La so comicidá tien una vertiente intelectual: aprovecha la orixinalidá, énfasis reiterativu y un componente social de carácter popular pa los sos recursos. Utiliza impulsos sádicos, sexuales, escatolóxicos, repetición de la mesma situación o frases clave, ente otros. Emplega lo que la estética marxista noma Volkstümlichkeit (popularidá), que consiste'n representar de manera utópica los deseos del pueblu. Tamién parodia davezu la épica, lírica, refranes, plegaries, oráculos, instituciones y traxedies y amás fai usu de tipos cómicos, esto ye, personaxes con una carauterización típica que se puen ver en varies obres que nun tien nada que ver.

Obres

[editar | editar la fonte]

Bibliografía

[editar | editar la fonte]
  • Aristófanes. Comedias. Obra completa (3 volúmenes, en prensa). Madrid: Editorial Gredos. ISBN 978-84-249-1677-0.
    • 1.Volumen I: Los acarnienses. Los caballeros. Introducciones, traducción y notas de Luis Gil Fernández (Premiu Nacional a la obra de un traductor 1999). 1995. ISBN 978-84-249-1678-7.
    • 2.Volumen II: Las nubes. Las avispas. La paz. Las aves. 2011. ISBN 978-84-249-1935-1.
    • – (1994). Lisístrata. Traducción, prólogo y notas de J. A. Moreno Jurado. Sevilla: Padilla Libros. ISBN 978-84-87039-63-8.
    • – (2005). Nubes. Traducción, Introducción y Notas Óscar Velásquez. Santiago de Chile: Editorial Universitaria. ISBN 978-84-249-1678-7.
  • Gil Fernández, L. (1996): Aristófanes. Editorial Gredos, Madrid. ISBN 9788424918361

Referencies

[editar | editar la fonte]
  1. ↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. ↑ Afirmao en: Treccani's Enciclopedia on line. Identificador Enciclopedia Treccani on line: aristofane. Data de consulta: 25 xunetu 2022. Llingua de la obra o nome: italianu. Autor: Instituto de la Enciclopedia Italiana.
  3. ↑ Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
  4. ↑ Afirmao en: Enciclopedia Literaria Concisa. Editorial: Большая Российская энциклопедия. Llingua de la obra o nome: rusu. Data d'espublización: 1962.
  5. ↑ Identificador CONOR.SI: 7933795. Afirmao en: CONOR.SI.
  6. ↑ Afirmao en: Aristophanes: The Eleven Comedies. Páxina: 11. Editorial: The Athenian Society. Llingua de la obra o nome: inglés. Data d'espublización: 1912.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Aristófanes&oldid=4239055»