Saltar al conteníu

Jet Li

De Wikipedia
Jet Li
Vida
Nacimientu Beixín[1], 26 d'abril de 1963[2] (61 años)
Nacionalidá Bandera de la República Popular China República Popular China  2003)
Bandera de Estaos Xuníos d'América Estaos Xuníos  (2003 -  2009)
Bandera de Singapur Singapur  (2009 -
Llingua materna chinu mandarín
Familia
Casáu con Huang Qiuyan (1987 – 1990)
Nina Li (es) Traducir (1999 – )
Fíos/es Jane Li (en) Traducir
Estudios
Llingües falaes chinu[3]
inglés[3]
Oficiu actor, productor de cine, escritor, direutor de cine, deportista, actor de cine
Llugares de trabayu Ḥong Kong, Estaos Xuníos y República Popular China
Xéneru artísticu cine d'aición
drama
cine de artes marciales (es) Traducir
Instrumentu musical voz
Creencies
Relixón budismu
IMDb nm0001472
jet.li
Cambiar los datos en Wikidata

Jet Li, nome artísticu de Li Lian Jie, (26 d'abril de 1963, Beixín), ye un actor chinu especializáu en filmes d'artes marciales y espertu en kung fu, disciplina que prautica dende los ocho años.

Biografía

[editar | editar la fonte]

El padre de Jet Li morrió cuando él tenía dos años, y la madre mandólu a una academia de Wushu a los ocho.

Ente 1974 y 1979 ganó en cinco ocasiones el títulu de campeón de China d'artes marciales. Los sos ésitos llevaron a les autoridaes de la República Popular China a declaralu "Tesoru Nacional." En resultes convidáronlu a formar parte de delles visites oficiales chines al estranxeru.

En 1982 emprincipió nel cine como protagonista de la triloxía sobre'l Templu Shaolin, que foi darréu un acontecimientu nacional en China. Artista marcial esceicional, téunicamente perafechiscu, perfeicionista y disciplináu, foi bien de veces comparáu a Bruce Lee. Algamó sonadía esterior cuando en 1991 empezó a trabayar con Tsui Hark na famosa serie cinematográfica "Ello foi una vegada en China".

Casóse dos veces, y ye padre de cuatro fíos.

Carrera nes artes marciales

[editar | editar la fonte]

Como deportista y artista marcial, Jet Li dedicóse al Wushu, especializándose nes modalidaes de formes. Entamó la so carrera nes artes marciales como integrante del Equipu de Wushu de Pekín, un grupu de deportistes organizaos pa facer demostraciones nos Campeonatos Nacionales de China. Como miembru d'esti equipu recibió entrenamientu intensivu y algamó 15 medayes d'oru y una medaya de plata nos campeonatos chinos de wushu:

  • 1974 – Competición Atlética Nacional Xuvenil: medaya d'oru pola forma con sable, medaya d'oru pola forma a mano vacía opcional, medaya d'oru del tornéu.
  • 1975 – Terceros Campeonatos Chinos de Wushu: medaya d'oru pola forma de boxéu llargu (changquan), medaya de plata pola forma con llanza.
  • 1977 – Competición Nacional de Wushu: medaya d'oru pola forma de boxéu llargu, medaya d'oru pola forma con sable.
  • 1978 – Competición Nacional de Wushu: medaya d'oru pola forma de boxéu llargu, medaya d'oru pola forma a mano vacía opcional, medaya d'oru pola forma con sable, medaya d'oru del tornéu.
  • 1979 – Cuartos Campeonatos Chinos de Wushu: medaya d'oru pola forma de boxéu llargu, medaya d'oru pola forma a mano vacía opcional, medaya d'oru pola forma con sable, medaya d'oru pola forma de combate, medaya d'oru del tornéu.

Toles sos medayes d'oru pola forma a mano vacía opcional foron conquistaes con una forma denominada fanzi yingzhuaquan (Garra d'Águila Fanziquan)

Filmografía

[editar | editar la fonte]
Añu Títulu Chinu Personaxe Notes
1982 Templu Shaolin 少林寺 Shao Lin Si Jueh Yuan (覺遠)
1983 Rapazos de Shaolin 少林小子 Shao Lin Xiao Zi San Lung
1986 Nacíu pa Defender Jet Ye'l so entamu como direutor
Les artes marciales de Shaolin 南北少林 Nan Bei Shao Lin Zhi Ming
1988 El Combate del Dragón 龍在天涯 Long Zai Tian Ya Jimmy Lee
Shao Lin Hai Deng da shi
1989 El Maestru Jet
1991 Ello foi una vegada en China 黃飛鴻 Wong Fei Hung Wong Fei Hung
Swordsman II 笑傲江湖之東方不敗 Xiao Ao Jiang Hu Zhi Dong Fan Bu Bai Ling Hu Cong
1992 Ello foi una vegada en China 2 黃飛鴻之二男兒當自强 Wong Fei Hung 2: Nan er dang zi qiang Wong Fei Hung
1993 Tai Chi Master 太極張三豐 Tai Ji Zhang San Feng Junbao
La lleenda 方世玉 Fong Sai Yuk) Fong Sai Yuk
La lleenda 2 Fong Sai Yuk Woo-Ping Yuen
L’Últimu Héroe de China 黃飛鴻之鐵雞斗蜈蚣 Wong Fei-Hung zhi tie ji dou wu gong Wong Fei Hung
Ello foi una vegada en China 3 Wong Fei Hung Hark Tsui
1994 Testigu del amor Allan Hui Ching-yeung/John Chang Corey Yuen
Jet Li ye'l meyor lluchador 精武英雄 Jing Wu Ying Xiong Chen Zhen
La lleenda del dragón encarnáu 洪熙官之少林五祖 Hong Xi Guan Zhih Shaolin Wu Zu Hung Hei-Kwun
1995 Altu Riesgu 鼠胆龍威) Kit Li
The Enforcer 給爸爸的信 Gei Baba De Sing Kung Wei
1996 La mázcara negra 黑俠 Hei Shia Michael/Simon/Tsui Chik/Black Mask
La Escritura ensin Pallabres 冒險王 Mao Xian Wong Chow Si-Kit
1997 Ello foi una vegada en China y n’América 黃飛鴻之西域雄獅 Wong Fei-Hung
1998 Lethal Weapon 4 Wah Sing Ku
1998 Hitman: Rei de los Asesinos Fu
2000 Roméu tien de morrer Han Sing
2001 L’únicu Gabe Law/Gabriel Yulaw/Lawless
El besu del dragón Liu Jian
2002 Héroe 英雄) Sin Nome
2003 Nacer pa morrer Su
2005 Danny’l perru Danny Louis Leterrier
2006 Sin mieu 霍元甲 Huo Yuan Jia) Huo Yuanjia
2007 The Warlords Tou Ming Zhuang Pang Qing Yun
War Rogue
2008 El Reinu Prohibíu 功夫之王 Gong Fu Zhi Wang Sun Wukong el Rei Monu/Lan Cai He
The Mummy: Tomb of the Dragon Emperor Emperador Qin Shi Huang
2010 The Expendables Bao Thao

Referencies

[editar | editar la fonte]
  1. ↑ Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. ↑ Afirmao en: Gemeinsame Normdatei. Data de consulta: 26 abril 2014. Llingua de la obra o nome: alemán. Autor: Biblioteca Nacional d'Alemaña.
  3. ↑ 3,0 3,1 Afirmao en: CONOR.SI. Identificador CONOR.SI: 8436323. Error de cita: La etiqueta <ref> ye inválida; el nome «75cea8f19d65cceea664adff3347eb590411a97e» ta definíu delles vegaes con distintu conteníu

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Jet_Li&oldid=4256267»