Zülfüqar Qubadov

Zülfüqar Qubadov
Fayl:ZülfüqarQubadov .jpg
Şəxsi məlumatlar
Doğum tarixi	25 sentyabr 1975
Doğum yeri	Ağsu rayonu, Azərbaycan
Vəfat tarixi	13 oktyabr 2020 (45 yaşında)
Vəfat yeri	Tərtər rayonu, Azərbaycan
Dəfn yeri	Ağsu rayonu
Vətəndaşlığı	Azərbaycan
Təhsili	H. Əliyev adına AAHM
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	1995—2020
Rütbəsi	Kapitan
Döyüşlər	Vətən müharibəsi  • Suqovuşan döyüşləri
Təltifləri

Zülfüqar İsmi oğlu Qubadov (25 sentyabr 1975; Ağsu rayonu, Azərbaycan — 13 oktyabr 2020; Tərtər rayonu, Azərbaycan) — Azərbaycan Silahlı Qüvvələrinin kapitanı, Vətən müharibəsinin şəhidi.

Həyatı

Zülfüqar Qubadov İsmi oğlu 25 sentyabr 1975-ci il tarixində Azərbaycan Respublikasının Ağsu rayonunun Dilman kəndində anadan olmuşdur. Orta məktəbi bitirdikdən sonra hərbiyə olan marağından, 1992-ci ildə Bakı Ali Birləşmiş Komandirlər məktəbinə daxil olmuş və tankçı ixtisası üzrə təlim görmüşdür. 1995-ci ildə isə, məktəbi bitirərək leytenant rütbəsi almışdır. Eyni ildə Türkiyə Respublikasında ixtisası üzrə 3 ay təlim kursu keçmişdir. 1995-1999-cu illərdə Murov dağ hərbi hissəsində tankçı tağım komandiri vəzifəsində işləmişdir. 1999-2008-ci illərdə Tovuz və Şəmkir rayonunda yerləşən hərbi hissələrdə vəzifəsinə bölük komandiri olaraq davam etmiş və kapitan hərbi rütbəsi almışdır. 2008-ci ildə ehtiyatda olan zabıt kimi təqaüdə çıxmışdır.

Hərbi xidməti

Azərbaycan Ordusunun kapitanı olan Zülfüqar Qubadov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Tərtər rayonunun Suqovuşan qəsəbəsinin azadlığı uğrunda gedən döyüşlərdə savaşıb. Zülfüqar Qubadov oktyabrın 13-də Suqovuşan döyüşləri zamanı şəhid olub. Ağsu rayonunda dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Zülfüqar Qubadov ölümündən sonra "Vətən uğrunda" medalı ilə təltif edildi.

Azərbaycan ərazilərinin işğaldan azad olunması zamanı döyüş tapşırıqlarını yerinə yetirən zaman cəsarət və fədaкarlıq göstərdiyinə, habelə təşəbbüsкar və qətiyyətli addımlar nümayiş etdiyinə görə Azərbaycan Prezidenti İlham Əliyevin 18.12.2020-ci il tarixli Sərəncamına əsasən Zülfüqar Qubadov ölümündən sonra "Döyüşdə fərqlənməyə görə" medalı ilə təltif edildi.

Təltifləri

• (26.06.2018) — "Azərbaycan Ordusunun 100 illiyi" yubiley medalı
• (15.12.2020) — "Vətən uğrunda" medalı (ölümündən sonra)
• (18.12.2020) — "Döyüşdə fərqlənməyə görə" medalı (ölümündən sonra)