Chamunda
Si Chamunda (Sanskrito: चामुण्डा, ISO-15919: Cāmuṇdā), bisto man bilang si Chamundeshwari, Chamundi o Charchika, sarong makatakot na porma ni Chandi, an Dibinang Inang Shakti asin saro sa pitong Matrikas (inang diosa).[1]
Saro man siya sa mga panginot na Yoginis, sarong grupo nin anom na polo o walong polo-saro na mga diyosang Tantriko, na mga katabang kan guerrerong diyosa na si Parvati.[2] An pangaran iyo an kombinasyon nin Chanda asin Munda, duwang monster na ginadan ni Chamunda. Asosyado siya ki Kali, saro pang maringis na aspekto ni Parvati. Siya binibisto sa mga diosa na sinda Parvati, Kali o Durga.
An diosa parateng ilinaladawan na nag-eerok sa daga nin kremasyon o sa palibot nin banal na mga higuerra. An diosa sinasamba nin ritwal na mga atang na hayop kaiba an mga dolot na arak. An pag-atang nin mga hayop nagin bakong gayong pamilyar sa mga impluwensiyang Shaivite asin Vaishnavite.
