Вярбовыя
| Вярбовыя | ||||||||||||||||
 Вярба казіная (Salix caprea) | ||||||||||||||||
| Навуковая класіфікацыя | ||||||||||||||||
|---|---|---|---|---|---|---|---|---|---|---|---|---|---|---|---|---|
| Міжнародная навуковая назва | ||||||||||||||||
|
Salicaceae Mirb., nom. cons. | ||||||||||||||||
| Сінонімы | ||||||||||||||||
| ||||||||||||||||
| ||||||||||||||||
Вярбовыя[3] (Salicaceae) — сямейства двухдольных кветкавых раслін.
Апісанне
[правіць | правіць зыходнік]Дрэвы ці кусты, часам кусцікі (некаторыя арктычныя і субарктычныя віды Salix) з чарговымі, простымі, суцэльнымі, зубчастымі ці лопасцевымі лістамі з прылісткамі, часта ападаючымі. Кветкі ў густых прамастаячых (амаль усе віды Salix) ці вісячых (Populus i Chosenia) аднаполых каташках (каласах ці радзей гронках з вельмі пакарочанымі кветаножкамі), размешчаных у пазухах брактэй (лускавінак), двухдомныя, беспялёсткавыя. У рода Populus чашачка мае выгляд пласцінкі ў мужчынскай кветцы і сподкападобнага ці плюскападобнага ўтварэння ў жаночай. У Salix яна прадстаўлена адным ці дзвюма (радзей трыма-пяццю) дробнымі нектарнымі залозкамі, а ў Chosenia няма нават залозак, і толькі часам жаночыя кветкі маюць дзве маленькія бакавыя залозкі. Тычынак у Populus ад 6 да 49, у Salix — 1-2, рэдка 3, 5 ці да 12, а ў Chosenia — 3-6; ніці свабодныя (Populus і часткова ў некаторых відаў Salix) ці зрослыя толькі асновамі, вельмі рэдка па ўсёй даўжыні; пыльнікі ўскрываюцца ўздоўж. Гінецэй паракарпны, звычайна з 2 упоперак размешчаных карпел, рэдка з 3-4 (некаторыя віды Populus), звычайна з 2-4 сядзячымі рыльцамі. Завязь верхняя, сядзячая ці на кароткай, рэдка на доўгай ножцы; са шматлікімі (Populus) ці з 2-10 семязачаткамі. У Salix вельмі рэдка толькі з адным семязачаткам. Плады — 2, 4-створкавыя каробачкі. Насенне дробнае з пучком валаскоў.
Пашырэнне
[правіць | правіць зыходнік]Вярбовыя распаўсюджаны галоўным чынам ва ўмераных і халодных абласцях паўночнага паўшар’я, а таксама ў паўднёвых абласцях Паўднёвай Амерыкі, Паўднёвай Афрыкі і Паўднёва-Усходняй Азіі. Адсутнічаюць на Новай Гвінеі і ў Аўстраліі.
Класіфікацыя
[правіць | правіць зыходнік]У адпаведнасці з сучаснай сістэмай класіфікацыі APG II, прапанаванай групай APG, у сямейства ўключаны наступныя роды:
- Abatia
- Aphaerema
- Azara
- Banara
- Bartholomaea
- Bembicia
- Bennettiodendron
- Bivinia
- Byrsanthus
- Calantica
- Carrierea
- Casearia
- Chosenia
- Dissomeria
- Dovyalis
- Euceraea
- Flacourtia
- Gerrardina
- Hasseltia
- Hasseltiopsis
- Hecatostemon
- Hemiscolopia
- Homalium
- Idesia
- Itoa
- Laetia
- Lasiochlamys
- Ludia
- Lunania
- Macrohasseltia
- Mocquerysia
- Neopringlea
- Neoptychocarpus
- Olmediella
- Oncoba
- Ophiobotrys
- Osmelia
- Phyllobotryon
- Phylloclinium
- Pineda
- Pleuranthodendron
- Poliothyrsis
- Populus — Таполя
- Priamosia
- Prockia
- Pseudoscolopia
- Pseudosmelia
- Ryania
- Salix — Вярба
- Samyda
- Scolopia
- Scyphostegia
- Tetrathylacium
- Tisonia
- Trimeria
- Xylosma
- Zuelania
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
- ↑ Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 147. — 160 с. — 2 350 экз.
Літаратура
[правіць | правіць зыходнік]- Сапегін Л. М. Батаніка. Сістэматыка вышэйшых раслін: вучэбны дапаможнік для студэнтаў устаноў вышэйшай адукацыі па біялагічных спецыяльнасцях. — Гомель: ГДУ, 2012. — 337 с. ISBN 978-985-439-644-6
Слоўнікі і энцыклапедыі | |
|---|---|
| Таксанамія | APNI · EOL · Fossilworks · GBIF · iNaturalist · IPNI · IRMNG · ITIS TSN · NCBI · POWO · Tropicos · WFO · Флора Кітая |
| Нарматыўны кантроль | BNF: 12269746f · GND: 4189422-4 · LCCN: sh85116749 · Microsoft: 2777945561, 2911022991 · NKC: ph200880 |
