The Dark Side of the Moon

The Dark Side of the Moon
музычны альбом Pink Floyd
Дата выпуску	1 сакавіка 1973
Жанр	прагрэсіўны рок
Працягласць	2 579 с

«The Dark Side of the Moon» (бел.: Цёмны бок Месяца) ― восьмы студыйны альбом брытанскага рок-гурта «Pink Floyd», выпушчаны 24 сакавіка 1973 года. Самы паспяховы альбом гурта, які ператварыў «Pink Floyd» у з’яву сусветнага маштабу. Адзін з самых прадаваных альбомаў у гісторыі гуказапісу ― агульная колькасць прададзеных экзэмпляраў перавышае 45 мільёнаў. Будучы прададзеным у Вялікабрытаніі ў колькасці 4 114 000 копій, уваходзіць у брытанскую дзясятку самых прадаваных альбомаў у краіне, займаючы восьмае месца. Заставаўся ў «Top 200» ЗША 742 тыдні, у тым ліку 591 тыдзень запар з 1973 па 1988 год, некалькі разоў трапляючы на першае месца. З’яўляецца адным з найболей вядомых канцэптуальных альбомаў прагрэсіўнага року.

«The Dark Side of the Moon» быў запісаны ў перыяд з чэрвеня 1972 па студзень 1973 у Лондане ў студыі кампаніі EMI «Abbey Road». У складанні музычнага матэрыялу і прадзюсіраванні прымалі ўдзел усе музыкі гурта, тэксты да песень напісаў Роджэр Уотэрс. Усе песні аб’яднаны тэмай уплыву на чалавека вар’яцтва, трывогі і адчужэння, якая сыходзіць каранямі ў гісторыю гурта і звязана найперш з трагічным лёсам былога лідэра гурта Сіда Барэта. Альбом ствараўся з выкарыстаннем апошніх дасягненняў гуказапісвальнай тэхнікі пачатку 1970-х гадоў, уключаючы мультытрэкінг, аналагавыя сінтэзатары, а таксама розныя эфекты з магнітнымі запісамі. Гукаінжынер Алан Парсанс, які працаваў над альбомам, быў намінаваны на прэмію «Грэмі» «За найлепшую тэхніку запісу альбома».

Альбом займае 6 месца ў спісе «Топ-25 найлепшых альбомаў прагрэсіўнага року» па версіі Progarchives.com, 4 месца ў спісе «25 найлепшых класічных альбомаў прагрэсіўнага року» па версіі «PopMatters» і 2 месца ў рэйтынгу «100 найлепшых рок-альбомаў усіх часоў» па версіі часопіса «Classic Rock». Па версіі часопіса «Rolling Stone», з’яўляецца лепшым прог-альбомам усіх часоў.

Спіс кампазіцый

Аўтарства ўсіх тэкстаў: Роджэрам Уотэрсам. 

Первы бок
№	Назва	Музыка	Вакал	Працягласць
1.	«Speak to Me»	Мэйсан	інструментальная	1:30
2.	«Breathe»	Гілмар, Райт	Гілмар	2:43
3.	«On the Run»	Гілмар, Уотэрс	інструментальная	3:36
4.	«Time» (уключае «Breathe (Reprise)»)	Мэйсан, Гілмар, Райт	Гілмар, Райт	7:01
5.	«The Great Gig in the Sky»	Райт	Клэр Торы	4:36

Другі бок
№	Назва	Музыка	Вакал	Працягласць
1.	«Money»	Уотэрс	Гілмар	6:22
2.	«Us and Them»	Райт	Гілмар, Райт	7:46
3.	«Any Colour You Like»	Гілмар, Мэйсан, Райт	інструментальная	3:25
4.	«Brain Damage»	Уотэрс	Уотэрс	3:48
5.	«Eclipse»	Уотерс	Уотерс	2:03