Sejarah orang Yahudi di Indonésia

Sanonya, sejarah riwayat orang Yahudi di Indonésia mulain dengen datengnya tukang kelayab èn penjogrog Peringgi, èn orang Yahudi pertama kali neba di mari abad ke-17. Kebanyakannya orang Yahudi di Indonésia neba deri Èropa Kidul, Kerajaan Rempug, Welanda, Bèlgi, Dètslan, Prasman, Wètan Tenga, Aprika Lor, Hindi, Tiongkok, èn Amrik Latin. Yahudi di Indonésia nyang ada sekarang cuman seila-ila doang, cuman 100–550-an orang, kebanyakannya orang Yahudi Spanyol. Igama Yahudi kaga' dirèken jadi atu deri enem igama resmi, cuman plaktèknya bolé-bolé baé berales Beslit Persidèn (Perpres) No. 1 èn Wèt Dasar Indonésia Pasal 29 Ayat 2. Mangkanya, orang-orang Yahudi setempat milihnya dicantumin sebagé Kepercayaan Terhadap Tuhan Yang Maha Esa atawa milih ditulis paké igama nyang diakuin resmi di KTP-nya. Sekarang, orang Yahudi Indonésia kebanyakannya pada ngedekem di Menado, Sulawési.