Amstelveen : diforc'h etre ar stummoù

'''Amstelveen''' (distagañ: /ˌɑmstəlˈveːn/ [http://upload.wikimedia.org/wikipedia/commons/3/39/377_Amstelveen.ogg]) a zo ur gêriadenn-kêr e proviñs [[Noord-Holland]] en [[Izelvroioù]]. Ul lodenn eus tachenn meurgêr [[Amsterdam]] eo. E kêr Amstelveen e kaver an distrigoù ha kêriadennoù da-heul : Amstelveen, Bovenkerk, Westwijk, [[Nes aan de Amstel]] hag ul lodenn eus [[Ouderkerk aan de Amstel]] . Dont a ra an anv Amstelveen eus hini ar stêr 'Amstel' hag eus 'veen' hag a dalvez [[lanneg]] pe [[taouarc'heg]]. En Amstelveen emañ sez [[KLM]] .<ref>"[http://corporate.klm.com/en/contact Contact]." KLM Corporate</ref> hag ivez sez [[KPMG]].

E-pad ma oa aloubet an [[Izelvroioù]] gant ar C'hallaoued ([[1810]]-[[1814]]) e oa Amstelveen kêrbenn an departamant gall anvet Zuiderzee, ha betek [[1964]] e voe anvet '''Nieuwer-Amstel'''. Un ''dorp'' (kêriadenn) bras eo Amstelveen, dre ma ne voe biskoazh mogeriet. Ardamez Amselveen a zo diazezet war hini [[Amsterdam]] (teir c'hroaz), unan a zo bet ouzhpennet. En Amstelveen e kaver an Thijssepark hag a voe an ''heempark'' (liorzh-louzawouriezh) kentañ en Izelvroioù hag unan eus ar 16 ''heempark'' pe ''heemgroen'' a gaver en Amstelveen. Aozet e voe gant an arkitektour [[C.P.Broerse]] diwar mennozhioù an naturour izelvroat [[Dr.Jac. P. Thijsse]]. Aozet e voe etre [[1940]] ha [[1972]], 5 hektar gorread a zo dezhi, hag emañ e su [[Amsterdamse Bos]]. Ar c'hentañ ministr [[Jan Peter Balkenende]] a stagas gant ar politikerezh en Amstelveen, ma voe kuzulier-kêr. Tost ouzh aerborzh [[Amsterdam Airport Schiphol|Schiphol]] emañ Amstelveen ivez. Ur metro hag un [[tram]] a zo da vont da Amsterdam.

* [[Volkspartij voor Vrijheid en Democratie |VVD]] - 9 dileuriad

* [[Partij van de Arbeid |PvdA]] - 8 dileuriad

* [[Christen Democratisch Appèl |CDA]] - 4 dileuriad