-oc'h

Gwelet ivez : oc'h

Brezhoneg

Etimologiezh

→ Etimologiezh da glokaat (Ouzhpennañ) .

Dibenn-ger 1

-oc'h /ɔx/

1. Dibenn-ger derez-uheloc'h an anv-gwan .
   • Brasoc'h, koshoc'h, gwashoc'h, gwelloc'h, hiroc'h, pelloc'h .

Notenn

Kemmadur dre galetaat astennet a-raok an dibenn-ger-mañ :

• « gleb » + « -oc'h » : « glepoc'h »
• « ruz » + « -oc'h » : « rusoc'h »
• « reizh » + « -oc'h » : « reishoc'h »
• « abred » + « -oc'h » : « abretoc'h »

Dibenn-ger 2

-oc'h /ɔx/

1. Dibenn-ger a dalvez da sevel furm verboù reizh pe amreizh zo en eil gour lies an amzer-vremañ, en doare-disklêriañ, e-lec'h -it, e brezhoneg Leon :
   • An deiz ma tleoc'h kommunia, kerkent ha ma zoc'h dihun, e sonjit en dra vraz a reot bremaik. KAVV 37
   • Grit gwellañ ma c'helloc'h ... KAVV 39
2. Dibenn-ger a dalvez da sevel furm ar verboù reizh pe amreizh en eil gour lies an amzer-da-zont, en doare-disklêriañ
   • lennoc'h, skrivoc'h, eoc'h, greoc'h, (ha boc'h ? gouioc'h ?)
   • Sellit hag e weloc'h daou zen, War an hent, Spern-Gwenn
   • Jilig. — [...]; gwelet a reoc'h hoc'h-unan an den divalo hag an den diskramailh ma 'z eo. — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 6.)
3. Dibenn-ger a dalvez da sevel furm daou verb en eil gour lies an amzer-vremañ, en doare-disklêriañ.
   • oc'h.
   • ouzoc'h.
4. Dibenn-ger a dalvez da sevel furm personel kalzik a araogennoù.
   • ac'hanoc'h
   • deoc'h
   • egedoc'h
   • ennoc'h
   • eveldoc'h.
   • evidoc'h.
   • ganeoc'h.
   • nemedoc'h.
   • ouzhoc'h, diouzhoc'h
   • warnoc'h

Notenn

Kavet e vez an dibenn -oc'h a-hed ar pennad kentañ (MAP ROUE AN HIBERNI) eus GWECHALL-GOZ E OA... gant Gabriel MILIN hag an dibenn -ot a-hed an tri fennad diwezhañ !?...

Gerioù heñvelster

• -ot (1)
• -fet

Gerioù heñvelson

• oc'h (araogenn)