e-mesk

Brezhoneg

Etimologiezh

Testeniekaet en krennvrezhoneg (e mesq), kar d'ar gerioù ymysg e kembraeg, yn mysk e kerneveureg hag am measg aet da measg en iwerzhoneg hag e skoseg, dezho ar memes ster, eus ur ger keltiek *in med-skō (« e-kreiz »), a zo deveret an eil term anezhañ eus ar wrizienn MEDH (« kreiz ») a gaver er gerioù मध्य madhya e sañskriteg, *μεθ-yο- aet da μέσος aet da μέσος, mésos (« kreiz ») en henc'hresianeg, med-iu-s e latin, mid-ji-s e goteg, (a)mid e saozneg, mit, mitte en alamaneg, h.a.^[1]

Araogenn

Gour	Furm
U1
U2
U3g
U3b
L1	en hor mesk
L2	en ho mesk
L3	en o mesk
D

e-mesk /eˈmesk/

1. E-touez (dirak un anv hollek, lies pe stroll).
   • E-mesk an drein. — (?, p. ?.)
   • — Du-man euz eur c’hi hanvet Korsako hag a oar ober brao kenan he vele e mesk ar c’holo ; ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 60.)
   • Al loened gouez a ioa dinec'h ; ne gouient ket e ranke kristenien dont da loja er meaz eveld'ho, e kreiz ar c'hoajou hag e mesk al lann. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 12.)
   • Nann, n’oc’h euz ket a c’hoant da vont e mesk tud hag a ra kement a draou fall ; ... — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 13.)
   • Per, gant aon d'ober trouz e-mesk ar c'hoad, a yeas dre an hent, egile dre ar park ; [...]. — (Erwan ar Moal, Pipi Gonto, Kemper, 1925, p. 49.)
   • "[...]. Amañ, pa dremenan, e kavan bepred ma gwele 'barzh ar c'hraou, e-mesk ar plouz," e lâras a vouezh uhel. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 95.)
   • Me a oa kouezhet e-mesk an drez. — (Jules Gros, Le trésor du breton parlé Première Partie, 1966, p. 205.)
   • Sell, ur glesker bihan e-mesk ar geot ! — (Jules Gros, Le trésor du breton parlé Deuxième Partie, 1970, p. 175.)
2. A-gevret gant (evit merkañ ar strollañ).

Gerioù heñvelster

• e-metoù
• e-touesk
• e-touez

Stummoù rannyezhel

• tregerieg : en-mesk

Troidigezhioù

• alamaneg : unter ^(de) , zwischen ^(de)  ; darunter ^(de) (en o mesk)
• bulgareg : мужду ^(bg)
• galleg : parmi ^(fr)
• henhebraeg : בּ^(*)
• henslaveg : въ ^(*)
• italianeg : dentro ^(it)
• kembraeg : ymysg ^(cy)
• kerneveureg : yn mysk ^(kw)

• kinyarwanda : mu ^(rw)
• koreaneg : 사이 ^(ko)
• lingala : káti ^(ln)
• portugaleg : dentro de ^(pt)
• saozneg : among ^(en) , amongst ^(en)
• sámi an Norzh : gaskkas ^(*)
• spagnoleg : en medio de ^(es)
• svedeg : bland ^(sv)

Daveoù

Roll an daveoù :

• ^[1] : Lexique Étymologique des termes les plus usuels du Breton Moderne, p. 112.