Bryn Mawr-Skyway (Vaŝingtonio)

Bryn Mawr-Skyway (elp. brinMAR-SKAJŭej) estas censa loko (CDP) en Kantono King, Vaŝingtonio, Usono. Ĝi situas ĉe la suda ekstremaĵo de Lago Vaŝingtona, inter la kvartalo Rainier Beach en sudorienta Seatlo, la najbaraĵeto Lakeridge, la nordorienta limo de Tukwila, kaj la kvartalo Earlington en Rentono. En 2010 la Usona censo raportis, ke 15 645 homoj loĝas en la censa loko. Tio estas 11,9%-e pli multaj ol en 2000.

Bryn Mawr-Skyway
censa loko vd
Administrado
Poŝtkodo	98178
Demografio
Loĝantaro	17 397  (2020) [+]
Loĝdenso	2 232 loĝ./km²
Geografio
Geografia situo	47° 30′ N, 122° 14′ U (mapo)47.4944-122.237 [+]
Alto	130 m [+]
Areo	7,7937 km² ( 779 .37 ha) [+]
Horzono	pacifika horzono de Nordameriko (UTC-8) [+]
Bryn Mawr-Skyway (Vaŝingtonio) DEC Situo de Bryn Mawr-Skyway
Alia projekto
Vikimedia Komunejo Bryn Mawr-Skyway, Washington [+]

Situo de Bryn Mawr-Skyway en Kantono King

Nomo(j)

"Bryn Mawr" estas kimra nomo, signifanta en tiu lingvo grandan monteton. Ĝi estas ankaŭ la nomo de konata porvirina kolegio en Pensilvanio. La nomo "Skyway" signifas (kaj estas kelkfoje esperantigita kiel) "Ĉielvojo"; eble ĝi nur aludas la altecon de la monteto, kiun ĝi kronas, aŭ eble ĝi venas de la proksimaj flughavenoj en Seatlo kaj Renton, kaj la aviadilfabrikoj de Boeing, de kiuj aviadiloj tre ofte flugas apud la kvartalo. Bryn Mawr-Skyway enhavas ankaŭ aliajn najbarejojn, nome Campbell Hill, Hilltop, Skycrest, kaj Panorama View. Apude situas Lakeridge kaj Earlington. Ĉiuj ĉi tiuj lokoj kune ofte nomiĝas West Hill; la komerca asocio kaj la najbareja asocio uzas tiun nomon.

Geografio

La koordinatoj de Bryn Mawr-Skyway estas 47°29′40″N 122°14′12″W. La censa loko kovras areon de 8,7 km², el kio iomete pli ol 0,4 km² estas akva surfaco.

Ekonomio

Tri el la plej gravaj stratoj inter Seattle kaj Renton trairas la kvartalon: Rainier Avenue S laŭ la lagobordo, Renton Avenue S trans la altaĵo, kaj Martin Luther King Way S (ŝoseo SR-900). La ĉefaj komercaj centroj situas laŭ Renton Avenue S. Unu centro havas interalie du malgrandajn vetludejojn, kaj la alia havas la publikan bibliotekon, poŝtoficejon, policejon, ktp.

Demografio

En 2000 Bryn Mawr-Skyway estis la sola CDP en la Aglomeraĵo Seattle, kie neblankuloj konsistigis la plimulton el la loĝantaro, kaj havas la pli altan procentaĵon da nigruloj ol iu alia CDP en tuta nordokcidenta Usono (pli ol kvarono); ankaŭ la filipin-devena loĝantaro estas aparte multa.

Esperanto en Bryn Mawr-Skyway

Unu el la plej grandaj Esperanto-bibliotekoj en Usono, Biblioteko Culbert, situas en Skyway, ĉe la hejmo de Ros' Haruo, kaj 16-lingva pacfosto staras en ties antaŭkorto, provizore dediĉite tie fare de Seatla Esperanto-Societo en 2010.

Eksteraj ligiloj

• Eksoficiala komunuma retejo de West Hill
• Retejo de Skyway Solutions (kvartala organizaĵo) Arkivigite je 2012-04-07 per la retarkivo Wayback Machine