Degen GR

Degen (germanlingva nomo ĝis 1983 Igels) estas komunumo de la komunumaro Lumnezia/Lugnez kaj la distrikto Surselva en Kantono Grizono, Svislando. Ĝi havis 249 loĝantojn je la 31-a de decembro 2009.

Degen
Blazono de Degen
Degen
vilaĝo • former municipality of Switzerland • kvartalo
Kantono	Grizono
Distrikto	Surselva
Komunumaro	Lumnezia/Lugnez
Koordinatoj	46° 42′ 26″ N 9° 10′ 13″ O (mapo)
Nombro de loĝantoj	249
Areo	6,72 km²
Alteco	1122 m super marnivelo
Poŝtkodo	7145
Komunumkodo	3594
Mapo de Degen

Geografio

Degen situas en la mezo de la valo Lumnezia okcidente de la Valza Rejno. Al la komunumo Degen apartenas krom la vilaĝo Degen ankaŭ la vilaĝetoj Rumein kaj Vattiz.

Najbaraj komunumoj

La komunumo Degen limas en nordo al Vella, en oriento al Suraua, en sudo al Vignogn, kaj en okcidento al Obersaxen.

Trafiko

Degen situas ĉe la vojo de Ilanz al Vrin, sur kiu kondukas poŝtaŭtolinio, per kiu la komunumo estas konektita al la publika transportreto.

Subĉiela rokmuzikfestivalo Vallumnezia

Ekde la jaro 2006 okazas la ĉiujara subĉiela rokfestivalo Vallumnezia, kiu estis fondita en la jaro 1985, en Degen. Kvankam ĝi pro la limigita nombro da lokoj kun 13000 spektantoj apartenas al la malpli grandaj svisaj subĉielaj festivaloj, ĝi estas unu el la plej konataj kaj allogaj. Dum la festivaloj ludas konataj svisaj kaj internaciaj grupoj kaj muzikistoj kiel ekzemple en 2009 Patent Ochsner aŭ Stress, aŭ ekzemple en la jaro 2000 Nina Hagen kaj en 1999 Freundeskreis-Esperanto.

Lingvoj

La oficiala lingvo de Degen estas la sursilvana dialekto de la romanĉa lingvo. Okaze de la popolnombrado de la jaro 2000 74% de la loĝantaro indikis la romanĉan lingvon kiel sia ĉefa lingvo.

Historio

La unua dokumenta mencio de Degen datiĝas el la jaro 840 kiel Higenae/Egenae. Nur en la jaro 1923 estis konstruita veturebla vojo ĝis la kantona vojo al la Valo de Lugnez, kiu ebligis la konekton de la komunumo al la transportreto. En la jaro 1930 la vilaĝo Vattiz preskaŭ komplete detruiĝis per inscendio.

Vidu ankaŭ

• Aliaj signifoj de Degen

Eksteraj ligiloj

• Oficiala retejo de la komunumo Degen
• Degen GR en la Historia Leksikono de Svislando  (germane, france, itale)

•  Vidu ankaŭ en la Vikimedia Komunejo la kategorion Degen GR – (Kolekto de bildoj kaj plurmediaj dosieroj)

Bildoj

• 
  Kapelo Sankta Sebastiano
• 
  Lago de Degen