Dokumento

Dokumento laŭ esperantlingvaj vortaroj kiel PIV aŭ Reta Vortaro estas "skribaĵo aŭ signifa objekto, kiu servas kiel pruvo kaj atesto". Temas do pri aĵo, kiu enhavas informon ordinare konscie lasitan de homo.

Konsiderataj laŭ sia enhavo kaj eldonmaniero, konataj dokumentspecoj estas:

• skribodokumentoj: libro, gazeto, afiŝo...
• sondokumentoj: kasedo, disko
• bilddokumentoj: mapo, desegno kaj pentraĵo...
• miksdokumentoj aŭ hiperperiloj, kiuj kunigas tekstojn, bildojn kaj sonojn.

Konsiderataj laŭ sia materia konservo, la samaj dokumentoj povas aperi:

• sur rekte legebla aĵo: papero, ŝtono, plasto...
• en kodo taŭga nur por maŝino: mikrofilmo, ĉiuj sondokumentoj, komputaj dosieroj...

Vidu ankaŭ

• Arkivo

Eksteraj ligiloj

• Oficialaj dokumentoj kaj gazetaraj komunikoj - rekomendita terminaro por tradukado de oficialaj dokumentoj - de Humphrey Tonkin - en Esperanto kaj angla