Jehuda
Jehuda - foje mallongigata Juda aŭ Jude - estas vira persona nomo. Kutime la nomo aludas al Jehuda (hebree יְהוּדָה), la kvara filo de la patriarko Jakobo kaj de Lea, kies nasko dokumentiĝis en la verso 29:35[1] de la libro Genezo, parto de la juda Torao kaj de la kristana Malnova Testamento. Jehuda iĝis la prapatro de unu el la dek du triboj de izraelidoj, kiuj laŭ la biblia tradicio konsistigas la judan popolon. La tribo de Jehuda donis multajn reĝojn (ekzemple, David kaj Salomono) kaj, laŭ la judaj profetoj, donos la Mesion. Koresponde al tio asertas la kristanoj, ke Jesuo estis el la tribo Jehuda, kvankam la evangelioj donas du apartajn kaj reciproke kontraŭdirajn genealogiojn.
| Jehuda | |
|---|---|
| Biblia persono | |
| |
| homa biblia persono | |
| Verko | Jesaja 9 Genezo 29 Genezo 35 Genezo 37 Genezo 38 Genezo 43 Genezo 44 Genezo 46 |
| Informoj | |
| Sekso | vira |
| Patro | Jakobo |
| Patrino | Lea |
| Gefratoj | Dina • Jozef • Naftali • Simeono • Levi • Benjamen • Dan • Zebulun • Ruben • Isaĥar • Gad • Aŝer |
| Edzo/Edzino | edzino de Jehuda |
| Infanoj | Perec • Zeraĥ • Er • Onan • Ŝela |
