Léon Bergiers

Leon BERĴJE (france Léon BERGIERS) estis esperantlingva verkisto, aktiva en SAT kaj en la laborista movado inter la du mondmilitoj.

Léon Bergiers
Persona informo
Naskiĝo	30-an de junio 1904 (1904-06-30) (120-jaraĝa)
Lingvoj	Esperanto
Ŝtataneco	Belgio
Okupo
Okupo	esperantisto

Leon BERĴJE

Biografio

Berĵje naskiĝis en la 30-a de junio 1904 en Bruselo. Li prizorgis la interhelpan movadon, literaturajn kursojn, verkis franclingvan teatraĵon, kunlaboris al ruslingvaj revuoj. Kiel Esperantisto ekde 1922, li havis gravan rolon en SAT, ĝis proksimume 1930, kiam li brue forlasis la asocion kaj transiris al IPE. Verkis multajn rakontojn, priskribojn pri nuntempaj verkistoj por Sennacieca Revuo kaj La Nova Etapo. Li partoprenis al la fondado de IAREV kaj estis unu el ĝiaj komitatanoj, sed ŝajne ne estis tre aktiva en tiu kadro. Li poste tute malaperis el la movado.

Verkoj

Tradukoj

• La Morto de Blanjo de Jean Tousseul, 1925, SAT
• Servokapabla! kaj Marcus Tybout, du noveloj de Georges Eekhoud, 1927

Originaloj

• Ili, novelaro, SAT, 1930.

Rete legeblaj verkoj

• Ili Arkivigite je 2016-03-06 per la retarkivo Wayback Machine

		Ĉi tiu teksto estas prenita el la Enciklopedio de Esperanto 1934. Vi povas plibonigi ĝin per vikiigo kaj aktualigo de la enhavo. Kiam la origina teksto estos sufiĉe vikiigita kaj aktualigita, forigu ĉi tiun kadron, kaj anstataŭe enmetu la ŝablonon EdE en la artikolon.
Bergiers (berjie) Leon, belgo, organizanto. Nask. 30 jun. 1904 en Bruxelles. Prizorgis la interhelpan movadon, lit. kursojn, verkis francan teatraĵon, kunlaboris al ruslingvaj revuoj. E-isto de 1922. Havis gravan rolon en SAT, ĝis proks. 1930, de kiam li ne partoprenas movadan vivon. Verkis multajn rakontojn, priskribojn pri nuntempaj verkistoj por SR, La Nova Etapo. Libroforme aperis: tradukoj Servokapabla de Eekhoud, l927; La Morto de Blanjo de Tousseel, l925; la originalaĵo Ili, 1921.