Rakontoj kaj Poemoj

Rakontoj kaj Poemoj estas verko de Ĝibran Ĥalil Ĝibran tradukita de Georgo Abraham kaj eldonita en la jaro 1972 en Rio-de-Ĵanejro ĉe Kultura Kooperativo de Esperantistoj.

Rakontoj kaj Poemoj
Rakontoj kaj Poemoj
Aŭtoro	Ĝibran Ĥalil Ĝibran
Eldonjaro	1972
Urbo	Rio-de-Ĵanejro
Eldoninto	Kultura Kooperativo de Esperantistoj
Paĝoj	150

Recenzoj

„ La konata kooperativo brazila surprizis nin per verko de libana aŭtoro, tradukita el la araba lingvo, kio estas malofta en nia ĝisnuna literaturo. Tiu libro, facile legebla, alportas en nian lingvon la parfumon de rozoj kaj jasmenoj el oriento. Sed tiu poezia formo, tradicia en la araba kaj persa beletro, vestas aktualajn pensojn kaj amaran filozofion. Oni sentas, ke la aŭtoro, nutrita de nacia mezepoka kulturo, vivas en la moderna mondo, kie la vivaspektoj samniveliĝas, la problemoj fariĝas por ĉiuj similaj, kaj maŝinismo kaj industriigo forpelas poezion. Sed sentema koro kapablas rekrei poezion en tiu senkompata mondo kaj retrovi la sonojn de antikvaj instrumentoj por prikanti la doloron kaj ribelemon de nuntempaj subprematoj. La stilo estas belega, klara, la simboloj travideblaj. Ke kelkaj el tiuj simbolaj figuroj estas nomataj Dio aŭ Jesuo, neniel ĝenas ateistan leganton, kia mi estas. Tio tute ne pruvas, ke la aŭtoro mem kredas al religiaj mitoj, kaj cetere tio ne gravas; kun tiaj kredantoj povas akordi sendiuloj, surbaze de homa frateco. ” — februaro 1973, Valo, Sennaciulo 44-a jaro, nr-o 2 (813), paĝo 19

Eksteraj ligiloj

• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience : entajpu la vortojn "rakontoj kaj poemoj".
• Katalogo de Kataluna Esperanto-Asocio
• Katalogo de Nacia Biblioteko de Esperanto