Sabira Ståhlberg

Sabira STÅHLBERG (iam Sabira Shun) estas aziologo kaj eksa esperantisto. Ŝi naskiĝis en 1969 en Helsinko, Finnlando. Ŝia patrino estas svedlingva finnlandano kaj ŝia patro estis tataro.

Sabira Ståhlberg
Persona informo
Naskiĝo	1969
Lingvoj	Esperanto • tatara • finna • sveda • germana
Ŝtataneco	Finnlando
Okupo
Okupo	esperantisto verkisto sciencisto

Sabira Ståhlberg estis verkisto kaj tradukisto, eldonisto de esperantaj libroj kaj redaktoro de la revuo Kontakto (1998–2001), kaj membro de la Akademio de Esperanto (2001–2004). Ŝi verkis originale romanojn, novelojn, poezion, teatraĵojn kaj centon da artikoloj.

Krome, en la Esperanto-movado ŝi elstaris inter la jaroj 1991 kaj 1993 kiel estrarano de TEJO pri eksteraj rilatoj kaj vicprezidanto, poste kiel komisiito, en tiu ofico ofte reprezentis la asocion en neesperantaj internaciaj konferencoj, kaj kadre de tiu engaĝiĝo ankaŭ estis membro de la Komitato de UEA 1992-1995.

Post lernejaj jaroj kaj studo en Helsinko, ŝi meze de la 1990-aj jaroj doktoriĝis en la Bonna universitato (Germanio).

De 2003 ŝi ne plu aktivas en la movado kaj ne verkas en Esperanto.

Plej gravaj verkoj:

• "Malantaŭ la muro - puzleroj pri Ĉinio", Tokio: Internacia Kultura Laborejo, 1991, 72 + 6 paĝoj, dua eldono en 1994
• "Durankulak" (Premio Verko de la Jaro 1999)
• Edith Södergran, "Lando malekzista" (traduko) 1999

Eksteraj ligiloj

• Retpaĝoj de Sabira Ståhlberg en la sveda, finna kaj angla.
• Biografieto en la retejo OLE
• Sabira Ståhlberg pri Esperanto, anglalingva intervjuo en la revuo Cabinet.
• recenzo pri ŝia verko Durankulak