Tierra del Pan

Tierra del Pan (Pan-Tero) estas unu de la dek du naturaj komarkoj (comarcas naturales, naturaj areoj) de la provinco Zamoro, Kastilio kaj Leono, Hispanio. Ĝi estas en la centro de la provinco.

Priskribo

Ĝi havas totalan loĝantaron de 76 253 personoj. La tradicia komarka ĉefurbo estas Zamora, kiu estas ankaŭ la provinca ĉefurbo. Ekde la mezo de la 19-a jarcento kaj ĉefe ekde la mezo de la 20-a jarcento okazis forta fenomeno de senloĝigo kun perdo de multaj loĝantoj pro elmigro al urbaj areoj, kio rezultis en tra malmulte loĝataj kaj multe maljuniĝintaj vilaĝoj, kaj en kelkaj okazoj en la kompleta senloĝigo de kelkaj. Paralele venis multaj el tiuj lokanoj plialtigi la loĝantaron de la provinca ĉefurbo kaj apudaj dormurboj.

Historie la komarko apartenis al la Regno Leono kaj suferis pro la militoj kontraŭ Portugalio. Tiu komarko, spite sia granda sento de identeco, kun similaj geografiaj, ekonomiaj, sociaj kaj historiaj trajtoj, ne disponas de la necesa jura rekono por sia administracia disvolviĝo, kio kondukis la koncernajn municipojn al organizado en municiparoj (mancomunidades), kiel nura jura formulo kiu ebligas al ili la plenumon de la administrado de kelkaj publikaj municipaj servoj.

Temas pri areo tre ligita al tradicia agrikulturo kaj brutobredado de vivtenado, kun konservo de tre forta heredo antropologia.

Geografio

La komarko enhavas iom pli ol 76 000 loĝantojn, kio estas ĉirkaŭ 38,66% de la totalo de la provinca loĝantaro, kio faras ĝin unu de la komarkoj plej loĝataj de la provinco Zamoro. La komarka kaj provinca ĉefurbo, nome Zamoro, estas la municipo kiu enhavas la plej parton de la loĝantaro de la teritorio. Tiu estas formata de 24 municipo dise tra teritorio de 849,59 km², kio estas ĉirkaŭ nur 8% de la teritorio de la provinco Zamoro. Pro tio la komarko Tierra del Pan havas densecon de 89,75 por km² tre supera al la 18,67 de provinca averaĝo.

Ĝi estas en la centro de la provinco Zamoro, kun teritorio lima kun la zamoraj komarkoj Benavente y Los Valles, Tierra de Campos, Alfoz de Toro, Tierra del Vino, Sayago, Tierra de Alba, Aliste kaj Tierra de Tábara, ĉiuj laŭ la loko indikita en la jena grafikaĵo:

Nordokcidente: Tierra de Tábara	Norde: Tierra de Campos	Nordoriente: Tierra de Campos
Oeste: Tierra de Alba - Aliste		Oriente: Alfoz de Toro
Sudokcidente Sayago	Sude: Tierra del Vino	Sudoriente: Alfoz de Toro

Municipoj

Municipo	Areo	Loĝantoj	Loĝlokoj
Algodre	18,18 km²	184	-
Almaraz de Duero	45,61 km²	421	-
Andavías	23,14 km²	479	-
Arquillinos	17,64 km²	146	-
Benegiles	23,33 km²	387	-
Cerecinos del Carrizal	17,24 km²	144	-
Coreses	43,16 km²	1.152	-
Cubillos	24,70 km²	365	-
La Hiniesta	33,15 km²	332	-
Manganeses de la Lampreana	60,02 km²	607	Riego del Camino
Molacillos	23,68 km²	282	-
Monfarracinos	22,02 km²	859	-
Montamarta	56,81 km²	612	-
Moreruela de los Infanzones	31,26 km²	414	-
Muelas del Pan	72,61 km²	797	Cerezal de Aliste, Ricobayo kaj Villaflor
Pajares de la Lampreana	27,99 km²	463	-
Palacios del Pan	31,75 km²	234	-
Piedrahíta de Castro	20,97 km²	127	-
Roales del Pan	10,78 km²	564	-
San Cebrián de Castro	66,15 km²	301	Fontanillas de Castro
San Pedro de la Nave-Almendra	27,71 km²	436	El Campillo kaj Valdeperdices
Torres del Carrizal	30,35 km²	470	-
Valcabado	10,11 km²	333	-
Villaseco del Pan	34,56 km²	267	-
Zamora	149,28 km²	66.672	-

Historio kaj ekonomio

Ĉefa enspezofonto estas nuntempe nutraĵa industrio el tradicia agrikulturo kaj brutobredado kaj ĉefe rura turismo: naturaj pejzaĝoj. Ĉirkaŭ la provinca ĉefurbo kaj apudaj dormurboj plej gravas industrio, servoj kaj turismo.