Bernward de Hildesheim
| Bernward de Hildesheim | ||
|---|---|---|
| dioceza episkopo | ||
| ||
| Persona informo | ||
| Bernward | ||
| Naskiĝo | 1-an de januaro 960 en Duklando Saksio | |
| Morto | 20-an de novembro 1022 (62-jaraĝa) en Hildesheim | |
| Religio | katolika eklezio vd | |
| Lingvoj | germana vd | |
| Ŝtataneco | Germanio vd | |
| Familio | ||
| Patro | Q1223636 vd | |
| Gefratoj | Judith von Ringelheim vd | |
| Profesio | ||
| Okupo | katolika sacerdoto • katolika episkopo vd | |
| vd | Fonto: Vikidatumoj | |
Bernward (naskiĝinta ĉ. 950 aŭ 960; mortinta la 20-an de novembro 1022 en Hildesheim) estis romkatolika episkopo de Hildesheim inter 993 kaj 1022 kaj germana sanktulo; nomo lia aperis eĉ en la Evangelia nomkalendaro.
Estante filo de la palatinata grafo Teodoriko de Haldensleben, li ĝuis elstaran edukadon ĉe la katedrala lernejo je Hildesheim. En 987 estis li mem edukisto kaj kortega kapelano por imperiestro Oto la 3-a. Elektite episkopo en 993, li ege pligravigis Hildesheim-on kion ebligis ampleksaj familiaj havaĵoj kaj subtenado fare de la reĝoj Oto la 3-a kaj Henriko la 2-a. Akompanis li Oton en 1001 al Italujo por kontraŭbatali ribelemajn romanojn. Post reveno li fondis la Miĥaelan Monaĥejon je Hildesheim en 1019 kaj komencigis la konstruon de Miĥaelo-preĝejo. Li ordonis ĉirkaŭfortikadon de la urbo, antaŭenigis la sciencojn kaj plibonigis la enklostran lernigadon. Li mem estis artisto kaj interesiĝis persone pri vidaj artoj kaj arkitekturo.
Por la ĵus novkonstruita katedralo li farigis grandan (ĝis nun konserviĝintan) bronzan portalon kun 16 ekstrakvalitaj bildoj el scenoj de la Biblio (1015). La el Miĥaelo-kirko originanta bronza Kristo-Kolono (1002) kun reliefoj el la vivhistorio de Jesuo Kristo ankaŭ estis komisiaĵo lia.
En 1193 li estis sanktigata fare de papo Celestino la 3-a. Ferdinand Hartzer kreis en 1893 monumenton por li kiu spekteblas en Hildesheim.
Fonto
[redakti | redakti fonton]"Bernward" - ĉe: Meyers Großes Konversations-Lexikon, volumo 2. Leipzig 1905, p. 726-727
Eksteraj ligiloj
[redakti | redakti fonton]- ligiloj ĉe DDB
- Berges, Wilhelm: "Bernward" - ĉe: Neue Deutsche Biographie 2 (1955), p. 143-144
- Walter Liedtke: "Todestag von Bernward von Hildesheim" - ĉe: WDR, 20.11.2017 (podkasto de radielsendo)