Hans Memling
| Hans Memling | |
|---|---|
| |
| Persona informo | |
| Naskiĝo | 1-an de januaro 1435 en Seligenstadt, Elektoepiskopujo Majenco,  Sankta Romia Imperio
|
| Morto | 11-an de aŭgusto 1494 (59-jaraĝa) en Bruĝo, Graflando Flandrio,  Reĝlando Francio
|
| Tombo | Sint-Gilliskerk Brugge (en)  
|
| Lingvoj | germana |
| Ŝtataneco | Habsburga Nederlando Germanio
|
| Okupo | |
| Okupo | pentristo artisto vidartisto
|
| Verkoj | St John Altarpiece Masakro de la Senpekuloj The Last Judgment Greverade Triptych Diptych of Maarten Nieuwenhove Bembo diptych Tommaso di Folco Portinari (1428–1501); Maria Portinari (Maria Maddalena Baroncelli, born 1456) Master of the Prado Adoration of the Magi Portrait of a Man Portrait of an old man Portrait of a man of the family Lespinette Portrait of an Elderly Woman The Canon Gilles Joye Portrait of Jacob Obrecht Portrait of a Man in a Red Hat Diptych with two donors Diptych of an aged couple Christ with singing and music-making Angels Scenes from the Passion of Christ Triptych of the Rest on the Flight into Egypt Triptych of Jan Crabbe Adoration of the Magi Triptych Donne Triptych Moreel Triptych Virgin and Child with St Anthony the Abbot and a Donor Madonna of Jacob Floreins |
Hans MEMLING (naskiĝis en Seligenstadt ĉ. 1430-1440 – mortis en Bruĝo la 11-an de aŭgusto 1494) estis pentristo origina el la Elektoepiskopujo Majenco (Mainz). Li estas konsiderata kiel unu el la eminentuloj de la malnovnederlanda pentro-arto, konataj kiel la Flandraj Primitivuloj.
Biografio
[redakti | redakti fonton]Memling naskiĝis en Seligenstadt ĉe Majno. Lia nomo ankaŭ estas skribita kiel Memlinc, Memlinck, Mamlinc, Memmelinge, Memmeling, Memelingen kaj van Menninghen. Kiel antaŭnomo foje estas menciita Jan. Laŭ lia laborloko li estas menciita kiel 'Hans de Bruĝo'.
Ĉar lia stilo iom similas al tiu de Stefan Lochner, kiu aktivis en kaj ĉirkaŭ Kolonjo, oni supozas ke Memling post restado en Kolonjo venis al la graflando Flandrio antaŭ 1451, la mortojaro de Lochner. Verŝajne li inter 1451 en 1465 ricevis plian instruon en Bruselo ĉe alia majstro de la Flandraj Primitivuloj, Rogier van der Weyden.
Je la 30-a de januaro 1465 Memling estis registrita kiel ĉivitano de Bruĝo, en tiu epoko la ŝatata rezidejo de la burgonja kortego kaj centro de internacia komerco.
En 1467 li iĝis membro de la bruĝa Sankta Luko-Gildo. En 1473 li aliĝis al la prestiĝa Fratrio de Maria de la Neĝo kaj tiel atingis la plej altan statuson kiu eblis por metiisto.
Memling posedis en 1466 unu, kaj en 1486 du ŝtonajn domojn en la Sint-Jorisstraat. Li estis inter la 875 riĉaj bruĝanoj kiuj devis kontribui al la financado de la milito inter Maksimiliano la 1-a kaj Francio. La posta ekonomia krizo ruinigis liajn financojn.
Pri liaj verkoj
[redakti | redakti fonton]Tipe por Memling estas la triangula prezento sur la antaŭa plano, la precizeco de la heraldiko kaj la personoj en pejzaĝo.
La Portreto de Benedetto Portinari el la Uffizi en Florenco, la Triptiko kun la Resurekto el la Louvre en Parizo kaj la Madono kun Donacinto el la Kunsthistorisches Museum en Vieno enhavas elementojn de itala Renesanco, eble ĉar la komisiintoj estis italaj.
Galerio
[redakti | redakti fonton]
-
La Lasta Juĝo (Muzeum Narodowe, Gdańsk, pentrita inter 1467 kaj 1471) -
-
Portreto de viro (Kolekto Frick, Novjorko) -
Portreto de viro kun ruĝa ĉapo (Städel Museum, Frankfurto ĉe Majno)
Literaturo
[redakti | redakti fonton]- Carlos VAN HOOREWEDER, Hans Memling in het Sint-Janshospitaal Brugge, Brugge, 1994, 47 p.
- Dirk DE VOS, Hans Memling Catalogus (ekspozicia katalogo 1994), Ludion, 1994, 255 p.
- Till-Holger BORCHERT, De portretten van Memling, Ludion, 2005, 191 p.