La komunumaro Freinsheim - germane Verbandsgemeinde Freinsheim [ferBANTSgemajnde FRAJNShajm] - estas administra komunumaro en Germanio, ĉirkaŭ la urbo Freinsheim. Ĝi troviĝas en la distrikto Bad Dürkheim de la federacia landoRejnlando-Palatinato. Fine de la jaro 2022 la komunumaro havis loĝantojn. La administrejo de la komunumaro centre plenumas iujn oficejajn servojn por la loĝantoj de ĉiuj membraj komunumoj, kiuj parte en komparo kun aliaj partoj de Germanio havas relative malmultajn loĝantojn, tial ke vivteno de administrejo kun ĉiuj servoj en ĉiu unuopa komunumo estus malekonomia.
La blazono de la komunumaro ĉefe simboligas la historiajn regintojn: La arĝenta aglo sur helblua fono reprezentas la historian grafan dinastion Leiningen, la arĝenta ŝlosilo sur ora fono la antaŭan episkopujon Worms kaj la ora leono sur nigra fono la historian regnon Palatinato. Krome la blua vinbero sur ora fono indikas, ke en la teritorio de la komunumaro la vinkultivado estas la plej grava enspezofonto kaj kompare al aliaj partoj de Germanio jam tre frue grandkvante kultiviĝis vitejoj por ruĝa vino, tiel ke nuntempe proksimume duono de la vitejo rezultigas blankan kaj la alia duono ruĝan vinon.
