1941eko Kontxako Bandera

**1941eko Kontxako Bandera**
Datu orokorrak
Antolatzailea	Donostiako Udala
Partaideak	6
Estropadak	2 estropada
Hasiera	1941eko irailaren 7a
Amaiera	1941eko irailaren 14a
Palmaresa
Txapelduna	Hondarribia
Txapeldunordea	San Juan
← 1940	1942 →

1941eko Kontxako Bandera (Banderaren 46. ekitaldia) urte honetako irailaren 7 eta 14an jokatu zen, eta Hondarribiak bere bigarren Kontxako Bandera eskuratu zuen.

Kontakizuna

Sei traineruk hartu zuten parte, bost gipuzkoarrek eta bizkaitar batek. Hondarribia eta San Juanen arteko lehia estua izan zen eta lehenengo egunean hondarribitarrak 3 segundo aurretik sartu baziren ere bigarren igandean sanjuandarrak aurreratu zitzaizkien. Sailkapen orokorrean bien arteko aldea segundo bat eta hiru bostenekoa izan zen. Ohorezko txanda Oriok eta Loiolatarrak osatu zuten eta hauek izan ziren banderarako lehian sartu zirenak.

Garai hartako araudiaren arabera lehenengo jardunaldian bakoitza bere traineruarekin aritzen zen eta bigarren igandean traineruak trukatu egiten zituzten. Horrela, ekitaldi honetako bigarren jardunaldian Hondarribiak Loiolatarrarekin trukatu zuen trainerua eta San Juanek Oriorekin.

Kontsolazio txandan aritu ziren Chimpartak eta Kaikuk ere beraien artean trukatu zituzten. Hauentzat lehen eguneko denborek ez zuten kontatu, beraz bigarren eguneko estropada irabaziz Kaiku izan zen sailkapeneko bosgarrena.

Parte-hartzaileak

Talde parte-hartzaileak
Taldeak	Traineruak	Patroiak
Chimparta (Donostia) Emen Gatoxti (Orio) Hondarribia Kaiku Loiolatarra (Donostia) San Juan	Amaikak Bat San Nicolas Ama Guadalupekoa Kaiku Loyolatarra Sto. Cristo de Bonanza	Antonio Bakeriza Jose Mari Urdangarin Roman Agirre Alfredo Gutierrez Sebastian Bakeriza Francisco Lujanbio

Emaitzak

Behin betiko denborak
Postua	Elkartea	1. Eguna	2. Eguna	Denera	Diferentzia
1	Hondarribia	19:45:0/5	20:22:0/5	40:07:0/5	-
2	San Juan	19:48:0/5	20:20:3/5	40:08:3/5	+ 0:01:3/5
3	Orio	20:22:0/5	20:47:0/5	41:09:0/5	+ 1:02:0/5
4	Loiolatarra	20:30:0/5	21:08:0/5	41:38:0/5	+ 1:31:0/5
5	Kaiku	21:06:0/5	20:34:0/5	-	-
6	Chimparta (Donostia)	20:49:0/5	20:44:0/5	-	-

Tripulazio irabazlea

Hondarribia
- Patroia: Roman Agirre
- Arraunlariak: Bizente Larrarte, Jose Lekuona, Gerardo Amunarriz, Severo Goikoetxea, Leokadio Agirre, Enrike Arrillaga, Juan Araneta, Bernardo Olaskoaga, Justo Olasagasti, Juan Gonzalez, Fortunato Lazkonategi, Jose Etxaide, Migel Iridoi.

Ikus, gainera

Kontxako Bandera

Kanpo estekak

Datuak: Q16515795