Bachicabo (Gaubea)

Bachicabo
	Euskal Herria
Kokapena
Herrialdea	Araba
Udalerria	Gaubea
Geografia
Koordenatuak	42°47′23″N 3°04′14″W / 42.78964°N 3.07067°W
Garaiera	653 m

Artikulu hau Gaubea udalerriko (Araba) herriari buruzkoa da; izen bereko mendia gaitzat duena beste hau da: «Bachicabo (mendia)»

Bachicabo Arabako mendebaldeko herri bat da, Gaubea udalerrikoa.

Izena

Pirineotan Bachi aurrizkia sarritan agertzen da "harana" esanahiarekin. Izenaren cabo zatia gaztelerazko "concavo"-tik etor liteke, euskaraz ahurra^[1].

Geografia

Gaubea udalerriaren hegoaldean kokaturik dago Sobrongo arroilaren sarreratik gertu. Itsas mailatik 653 metrotara kokaturik dago eta Bachicabo mendiaren (1.200m) oinean^[1].

Demografia

Bachicaboko biztanleria

Ondasun nabarmenak

Bachicaboko San Martin elizan, 2006an, erretaula zahar bat agertu zen, dirudienez 1555 eta 1556. urteen bitartean Joan Armonak elizako horman margotua. «Alegiazko» erretaula hori (horrela deitzen zaie zizelkatuak ez, baizik margotuak diren erretaulei) ezkutatu egin zuten 100 bat urte geroago, 1677aren inguruan, zurezko erretaula zizelkatu bat egiteko dirua bildu zutenean. Eta ezkutuan iraun zen geroztik, harik eta zurezko erretaula zaharberritzeko lanetan erretaula zaharrago hura agertu zen arte.^[2]

Gaur egun, bi erretaula daude ikusgai Bachicaboko elizan. Alegiazko erretaulak katekesi bat azaltzen du, filakterioz irudiztatua, ebanjelarien izenekin eta latinezko inskripzioekin.^[2]